يخطر على انقول

يخطر على انقول



ياما زهيت فى الماضى ليالى......لامرضت لاشاكيت فى قرب الغوالى

واليوم صار الخطا ولفراق........و يا خوى لفراق حراق

وسبحان من بدل احوالى



والسبب



اغوينا وفيهــــــا ما حرام الغيه.........فى بنت لاتاقت اتقول غزال

حسيت تمـت حالتــى مصغيـه.........لانوم جانى لانريد اوكال

لمراض تمن من كحيـل اصبيـه.........بودور لانقض ايميح اطوال

الهاوسـط مـا فى زويــــل وليه.........ونا تعرفونى مايغباكم حال

وعيـــون مجتن سمـــــا غربيه.........اغرنبا وباتن فى اغرود ارمال



وتما



صاعب على لنظار طول اغيبه.......ياما بكت غير البكا ماجابه


صاعب على لنظار موح ادياره........ما نوم جاهن من غلاه سماره

نومى بعيد وكادنى مشواره.........دون الغلا تمن ابحور سرابه



صاعب على لنظار بعد الغيه.......ايحيزن اديار اللى عزيز عليه

نحساب يقسملى كحيل اصبيه.........اللى فى الغلا ما يدوم غير عذابه



صاعب على لنظار لو ترعينى.........ايجى فى مكان النوم ويوعينى

ياريت يقرب يوم ويهنينى.......يبعث على غفله عزيز جوابه

شكراً لما قدمتى رائعة دائماً