خديت اْوراقي...للشاعر امهدي بشير التمامي

من طرف مثيل القمر 2010-12-22, 5:31 am

خديت اْوراقــــــــــــــــــــــي***وتهايوا اللي غياب سال الماقي

وخليت القلم يكتب بنار اْشواقي***عني وعن ياْسي وعن توكيبي

شديد عزمهم قدروا عليه افراقي***اْعزاز عندهم تفنين في تعديبي

خلو الدمع داير ع الخدود سواقي***جربت ننساهم افشل تجريبي

اصـــــــور احتيت عزم ماني لاقي***تلقا امواير جرح فيه نحيبي

واتقول العرب داير الشينة لاقي***كافوني بعيب ومااوصلهم عيبي

***

بكيت بعبـــــــــــــــــــرة***وخديت من خطاْ لولاف درس وعبرة

حتي انكان هو ماعاد تلايم جبره***صبار خاطري مازال مايرخيبي

رفيق ف الهوايل عارفه مختبره***قريني انجازي بيه ويجازيبي

ويجف البحر واتكيلة عين ابرة***هدي كان صارت يرجعوا كنيبي

شبار قسمهم اقطع اخنيصر شبرة***بعيد حازهم ونا الياْس نصيبي