العين باكيــــــــــــــة . . .

من طرف امنية حرة درنوية 2012-01-01, 7:45 pm

العين باكيــــــــــــــة . . .

العين باكية غايب الزين عليها
ونار الغلا ماهناك من يطفيها

ماعاد خلت باقي . . نار الغلا منها نعانى شاقي
نواسي في روحي بقولة ياواقي . . بالك النفس تروق وأنهديها
ياريت عالغفلة الزين يلاقي . . يمحي أحزانى من الحياة ينهيها

العين باكية غايب الزين عليها
ونار الغلا ماهناك من يطفيها

سنين ومدة . . وشوقي تقاوي لين فايت حده
مشكاي لله نطلبه نتجدي . . يضمد جروح النفس يداويها
مازال عندي للعزيز مودة . . الا العين ملت من البكي يكفيها

العين باكية غايب الزين عليها
ونار الغلا ماهناك من يطفيها
العين باكيــــــــــــــة