** ايجي في اوقات موش اوقاته **

إيجي في أوقات قديم موش أوقاته ... ويحوس علي العين بمهاياته ..
إيجي في أوقات الروقه ... وأيحوس علي العقل ينصب سوقه
ألا العين تضلع م الشقا ملحوقه ... وتسمر هذاك الليل من سياته
ويجيها بذكريات سمح التوقه ... وتفرح دقايق حلم بملاقاته
اللي الكبد منا صايفه محروقه ... والنار جورت طالت الجوف هفاتا
نحلف عليها حلف مي مطلوقه ... طار نومها والليل ماأرقداته
أتقول للبكا ولعازتي مخلوقه ... تحكيبه نهار العين مسع راته
وبمنجل غلاها ياس قص أعروقه ... ونظرها علي ميط العرب واطاتا
وفي كل حاجة فالحياة مسبوقة ... وهي عاقبه في كل ماداراته
عطيب حظها من وقتا مخلوقة ... دراه كبدها في دمعها حطاتا
وأنكانهي بكت والله مي امحقوقة ... لوكان جرحها ما حم ماحساتا
ومنها الضحكة لوله مسروقة ... وجميع ماأيبغدد فالحياة حقاتا

إيجنها أوقـــــــــــــات أتغفي ... أمكفي معاها لولي وأموفي
الله يرحمه ويسامحه متوفي ... غلاها اللي تحت الوطا أردماته
وتحساب صبرها نار القديم إيطفي ... وهي صبرها خلف مرض دساتا
أركبها الشيب وخيرها متكفي ... ومامن أمرار الصايفة أشرباته
وهي عقاب أيام غير أتوفي ... والعمر فيد الله في ساعاته

- في راحــــــــــــــــــــــتا ... يخطر قديم أتنوض زعزاعتا
نلقانها في روحها دارتا ... لوكان غير مالساعه الراي خذاته
ماراه طاحت فالوطا دمعتا ... ولاشيبها بملقاطها ألقطاته
تحسابه بعيد الدار كيف سعتا ... في منزله مي هذي شي حطاتا
وشكت للنجوم العين سهرايتا ... حتى القمر من غيبته شاكاتا
نار خامده برياحها حايتا ... لهيب بك في قشواش ماطفاتا

- إيجي في أوقات هناها ... وإيحوس علي العين كي يلقاها
قديم رايقه تقفز أتوج أغطاها ... أقطع رايها ياريت ما وداتا
قليلة الوالي أمعيطين وراها ... اليوم باعها بطلوق وين شراتا
وقول خاطري موهذا رد أكفاها ... الصاحب على الصاحب إيبيع عباتا
....
موش للسمور ودمعها خلاها ... اللي العين ماتحلف ألا بحياته

للشاعر الكبير /منعم قصلة المغربي

مشكـــــــــــــــــــــــوره وبارك الله فيك

بـــــــــــــــارك الله فيـــــــــ ـــــــــــك اختيــــــــــار مــــــــوفــــــق