ما شي يسوى شي .. اعزاز فارقوا وانا صفقت ايدي .. بعد رحيلهم !

ما شي يسوى شي .. اعزاز فارقوا وانا صفقت ايدي .. بعد رحيلهم !

ما عاد عندي ناس .. م الناس عندي منعدم الاحساس
ساكرة وماعمري قربت الكاس .. وميتة وعزرائيل ما جاني
هفت علي زرعي رياح الياس .. مع صهيد قبليهن اللي يشوي
غابوا اللي يقولولنا :لاباس .. وقول خاطري ماعاد فيها حي

ماعاد شي جميل .. اللي كان ملكي تم مستحيل
تبدل شروق الصبح تما ليل .. وذبلت ورود سقيتها بيدي
وصاف الربيع اللي شذاه عليل .. وسخنت النسمة اللي اداعب فيّ
والشلال جف وهو حذاي يسيل .. وماعاد ضماي برشفته نروي
مكتوب نبقى في الدموع نهيل .. وما ظن ينشف دمع من عيني

ما عاد شي يروق .. عيني اللي قاست امرار الشوق
عندي سوا الغروب كي الشروق .. أيام من أيام تكر من عمري
عجاجهن يثّوب كي عجاج سلوق .. يوم شنقوا شايب زعيم بري
هو شهيد يطوطح وهو مشنوق .. ونا زاد نطوطح مشنق حي
ما شي يسوى شي ..

مشكــــــــــــــــــــــور يابوادريس

مشكــــــور اخــــي ....

مشكورين واخواتي لمــــــــــــــــروركم الكريم

تقبل مروري وتحياتي على الكلمات المعبرة
وفقك الله وسسد خطاك

مرورك رائع عطر صفحتنا