صدقني لغيرك مايكون مكانك

من طرف opengod2000 2012-02-14, 1:29 pm

________________________________________
صدقني لغيرك مايكون مكانك
ارقد تهني شيل كل احزانك
صدقني لغيرك ما يكون مكانك

شيل كل اهمومك
ارقد تهنى دوم طيـّب نومك
راك يا عزيز عزيز غالي سومك
و فوق ما تصـّور راك عالي شانك
انت بحر و نا ادمنته عومك
و نحس في موجك ابكل حنانك
راني عشقتك حط في معلومك
و ما انسيبك مهما ايدور زمانك

يا عزيز تهنى
غيرك مكانك ما يقـّرب منه
هناك يا الغالي حد ما نتمنى
و هنايا ايكون افساعة اطمائنانك
خلك اقريب يا عزيز ادنى
ارويت ابغلاك اليوم نا مليانك
انت في وطاتي يا الغالي جنه
وما يطيب نومي غير وسط اجنانك

يا عزيز ارتاح
غلاك مو معقب داخلي مطراح
فيك النظر ينظر مسا و صباح
و الوذن ما تسمع امفيت الحانك
و نشمه عبيرك دوم في الارياح
و لي اللسان ما عنده الا امدحانك
نضايق انجيك و ناجده البراح
و نلقاك باهي يا زهر بألوانك
حبك اجتاحه خاطري اجتياح

من قالك غالي عليا مانك
ما يجي مكانك غيرك
ولا نرتوي من بير خاطي بيرك
انظر اعيوني تعرفه تأثيرك
و تحس بيه القلب ها اللي صانك
نثرت ابغلاك علي كل عبيرك
من كل زهرة حب من بستانك
دللتني بالحيل كثر خيرك
موحال ردي لك هو نسيانك

من طرف **العاشق الصغير** 2012-02-14, 2:36 pm

مشكور وبارك الله فيك

من طرف opengod2000 2012-02-15, 11:56 am

مشكـــــــــــــــــــــــــــور .......

من طرف محمد اللافي 2012-02-15, 12:01 pm

من قالك غالي عليا مانك
ما يجي مكانك غيرك
ولا نرتوي من بير خاطي بيرك

ربي يعطيك الصحه

من طرف **جمال المروج** 2012-02-15, 12:17 pm

ما يجي مكانك غيرك
ولا نرتوي من بير خاطي بيرك
انظر اعيوني تعرفه تأثيرك
و تحس بيه القلب ها اللي صانك
نثرت ابغلاك علي كل عبيرك
من كل زهرة حب من بستانك
دللتني بالحيل كثر خيرك
موحال ردي لك هو نسيانك

أعجبني كثيرا مشكور