امغير اصورهم .. لاعد يجو للعين لا تنظرهم ..

امغير اصورهم .. لاعد يجو للعين لا تنظرهم .. اعزاز عندنا تمن ..
اعزاز علينا .. اعزاز فقدهم مازال مثر فينا
عالثر طيفهم لليوم مو خاطينا .. عالثر الاوهام ولمسهم وجررهم
اعزاز يارفاقة فقدهم طانينا .. مخلطين سيمتنا على محورهم
حتى وفالحياه من قبل ياما رينا .. هاذول وين تظايق بعيد نظرهم
يديروا الخير وينغروا لزينة .. اصحاب البشاشه وين ما تخطرهم
وريت الزمان الغبر مقوى عينا .. خذاهم بلاش وما عطانا درهم.
- خذهم جبر .. وين ما نواهم حطهم فالقبر
لابهم وجيعة لا شكو من كبر .. املك الموت فى حادث شنيع غدرهم
واحنا علينا نلتجوا لصبر .. من حاش حكم علام الغيوب جبرهم
الدنيا قديمة عابرة العبر .. كمين ناس كى راد الكريم حجرهم.
- اعزاز يا محلاهم .. اعزاز صارلى واجد على فرقاهم
انوض بالغطا ونقول ياهم ياهم .. نحسابهم بضحكهم وخبرهم
نحسابهم الا يالاى فى مصباهم .. حسيت وين جباد السؤال ذكرهم
ومازال خاطرى مفتوح من يالاهم .. مالدوج ينسرق ويطب فى موكرهم
نحسابة مغير منام يوم عزاهم .. ويلفوا عليه جديد ويعاشرهم
وهم فى ثنايا لارض واريناهم .. عليهم حكم حكم الزمان دفرهم
حتى وهم ابعاد ومنقطع مرجاهم .. معا كل طلعت شمس متذكرهم
ولا قدرت لا نقدر انقول انساهم .. غطونى دلال او واجبى نذكرهم
~~~~~~~~~~~~~~~~~~~~~~~~~~~~~