عزوز والميكانيكي

مرة واحد اسمة عزوز راح اشتغل صبى عند ميكانيكى
وفى يوم قال لصاحب الورشة انا اعرف رئيس الحى
صاحب الورشة ماصدقش لكن بعد يومين مر رئيس الحى قدام الورشة وسلم على عزوز سلام حار جدا
صاحب الورشة اعجب بعزوز وشغله اسطى فى الورشة
وبعد يومين عزوز قال لصاحب الورشة انا اعرف الوزير قال له لا صعبة جدا
وفعلا بعد يومين مر الوزير قدام الورشة وسلم على عزوز صاحب الورشة اتجنن وقال لعزوز يابنى انا بزوجك بنتى وتمسك الورشة مكانى
وبعد يومين قال عزوز لصاحب الورشة انا اعرف أوباما ولكن صاحب الورشة قال بلاش تفشر علي عزوز قاله تعالى نسافر وانا اعرفك
وفعلا سافروا أمريكا ووقفوا امام البيت الابيض وعزوز قال شوف الشباك الابيض حأطلع بعد شوية انا وأوباما ونقول لك هاى
وفعلا عزوز طلع هو وأوباما بعد خمس دقائق صاحب الورشة اغمى عليه وراح المستشفى ولما فاق سأله عزوز ليه اغمى عليك علشان شفتنى انا وأوباما

صاحب الورشة قال لاانا اغمى علي علشان انت وأوباما واقفين فى الشباك مر من قدامى اثنين امريكان بيسألونى مين اللي واقف جنب عزوز