ايجيك يوم ترتاحي ايجد غلاك!!

من طرف **زهرة اللوتس** 2012-05-01, 5:19 pm

ما علي الله صعيب ،،، ايجي غيرهم ويسير فيه نصيب
ويروق خاطرك ...
ايطيب هواك ،،، ايجيك يوم ترتاحي ايجد غلاك
وتمطر ذهب ناصع اجواء سماك ،،، ويبقن زعازيعه عقاب خيال
اتنور قناديلك ويبرا داك ،،، وتعيشي العيشه قسمها الحلال
وكيف ما ارضيتي ابما كتب مولاك ،،، تبقي هنيه في زها ودلال
والسمحه اتنالي وكل شي بارضاك ،،، والطبل في فرحك الزين ايجيب
ضني فيك،،، ما يوم شي هجرا ايأثر فيك
خللي ايتباعد ربنا يغنيك ،،، ابغيره اتعيشي في ايام هنا
سوا جاك والا غاب ما يعنيك ،،، هجره امعاك ع القلوب طغا
واللي بدا بالعيب غاب عليك ،،،يا فرحتك منك عدو مشا
صبرك علي مولاك هو يعطيك ،،، هو اللي جعل م الماء كل حياه
يا انويرتي عللي هجر جافيك ،،، ما انضن شي بعدك ايشوف زها
يا قرعت اللي بالغلا يبيك ،،، ادعي المولي كل شي قريب

من طرف khaled bader 2012-05-02, 10:45 am

ممتازه

ايجيك يوم ترتاحي ايجد غلاك!!

ايجيك يوم ترتاحي ايجد غلاك!!

رد: ايجيك يوم ترتاحي ايجد غلاك!!