بكل المشاعر والحواس الخمسة وبالسادسة نصبح معاك ونمسى

من طرف **العاشق الصغير** 2012-05-11, 6:07 pm

بكل المشاعر والحواس الخمسة
وبالسادسة نصبح معاك ونمسى
بكل احساسي
من اصبع كراعي ال شيب قلة راسي
هايم وهامن في هواك انفــاسي
ان راحن وراك العمر تغرب شمسه
علي تخطري حتى وفكري ناسي
شـــــــــــارد خذاته بسمتك والهمسة
تجي بين جفن العين وان انعاسي
وبين ميمها يــــــــــا الخايله مندمسة
حميدة الصيت ولسم منك باسي
امواير وثــــــــاقه بجيرتك منطمسة
اتنوض بالغطا كي من اكوي بسباسي
الــــــــــــعين من نظرها قال ملتمسة

بالحـــــواس الستة
اللي تبان واللـــــــــي غابية صورتا
بيهن معــــــاك انكون هايم حتى
ساعة منـــــــام بليل كـــامل طمسه
رغم المسافة والظروف الشتى
طيفك امنـــــــــــــور كم ليلة دمسة
حاييتي عواطف خامدة ثورتا
ابجرحك اللي م الرمـــش يصعب لمسة
في قلب يكمى ما نوى قولتا
انت اليــــــــــــوم عنده كيف بكرة وامسه
م ن ق و ل