عبدالله ناكر ينفي ما تناقلته وسائل الإعلام حول محاولته تحوي

من طرف **زهرة اللوتس** 2012-05-25, 8:25 am

نفى عبدالله ناكر ما تناقلته وسائل الإعلام حول محاولته تحويل مبالغ مالية ضخمة خارج وداخل ليبيا، لافتًا إلى أن الاشتباك الذي وقع أمام مبنى مصرف الأمان بحي قرجي طرابلس ليلة أمس، الثلاثاء، لا يعدو كونه خلاف بين أفراد لا ينتمون للكتيبة التي تقوم بحماية المصرف.
وأكد ناكر لـ”وكالة أنباء التضامن” أنه يقوم والثوار التابعين له بتامين المصرف منذ فترة تحرير طرابلس، مشيرًا إلى حمايته ما لا يقل عن عدد خمسة عشر مصرف أخر، موضحًا أن الاشتباك الذي وقع أمام المصرف واستدعى تدخل كتيبة السعداوي التابعة لثوار طرابلس لم يسفر عن أي أضرار بشرية، منوهًا إلى أن أسباب الاشتباك الحقيقية كانت خلاف بسيط بين موظفين حول موقف خاص للسيارات.
وكانت مدينة طرابلس شهدت ليلة الثلاثاء، تشديد أمني مكثف وتحركت قوات خاصة تابعة لكتيبة السعداوي واللجنة الأمنية العليا ووزارة الداخلية إلى مقر مبنى مصرف الأمان، الذي شهد اشتباكات عنيفة دارت بينها وبين التابعين لحزب القمة الذي يترأسه عبدالله ناكر، أسفرت عنه وقوع العديد من الإصابات المتفرقة، فيما تراجعت القوات التابعة لـ”عبدالله ناكر” الذي يقوم بتأمين المصرف.
وأفاد مصدر “وكالة أنباء التضامن” من وزارة الداخلية أن مدير مصرف الأمان أكد على أن ناكر يقوم بتحويل مبالغ مالية كبيرة إلى خارج البلاد ويستقبل مبالغ أخرى بذات الطريقة، منوهًا إلى أن ذلك كان يتم بقوة السلاح في بعض الأحيان.
وكالة أنباء التضامن- مبروكة منصور

من طرف عبدالله النيهوم 2012-05-25, 9:19 am

لعنك الله يا كذاب .. بالله أنت حتى نفسك السعب الليبي يعتقد بأنه كله كذب
سبحان الله هالأشكال الحقيرة مش عارف متى نتخلصوا منها ..

من طرف العشيبى 2012-05-25, 9:52 am

المجاهد عبدالله ناكر ولد بلاد وزنتانى حر ... ولولاه ماكان تأمين طرابلس وإلى الأن يأمن فى طرابلس .... وهى كلها غيره من الطرابلسيه كيف الزنتان يحموا فيهم وهم مرقدين ... فى العسل ... عاشت الزنتان حره أبيه .. أبطال وأسود ليبيا ...

من طرف **dude333** 2012-05-25, 12:45 pm

العشيبى كتب:المجاهد عبدالله ناكر ولد بلاد وزنتانى حر ... ولولاه ماكان تأمين طرابلس وإلى الأن يأمن فى طرابلس .... وهى كلها غيره من الطرابلسيه كيف الزنتان يحموا فيهم وهم مرقدين ... فى العسل ... عاشت الزنتان حره أبيه .. أبطال وأسود ليبيا ...

معلش يا عشيبى سامحنى انقولك لا عبد الله ناكر ولا فوزى بوكتف ولا ثوار بنغازى ولا ثوار مصراتة ولا ثوار الزنتان ولا ثوار تراغن ولا ثوار اى قرية او مدينة او واحة ليبية ولا اى شخص يجمل على الليبين .

الليبين كلهم احرار ولا فرق بين ليبي وليبيى الا بحب ليبيا واذا عبد الله ناكر وامثاله يبو يجملو على ليبيا عليهم تقديم فاتورة باتعابهم وراح نجمع اتعابهم بالقرش تحت شعار
" قرش الكرامه لانقاذ ليبيا من المرتزقة"
فليذهب كل من يتجمل على ليبيا و الليبين للجحيم

من طرف **بوفرقه** 2012-05-25, 12:54 pm

نقول لى عبدالله ناكر وازلامه لو ماتحترم نفسك سنزحف عليك والملايين من برقه لتطهير طرابلس شبر شبر مصرف مصرف مطار مطار حتى تتطهر طرابلس من الدنس والارجاس ...من انت حتى تحمى المصارف ومن اعطاك الاذن لكى تحول اموالك بقوة السلاح ...لعنة الله عليك الى يوم الدين انت وامثالك

من طرف وريده 2012-05-27, 5:33 pm

هدا الكداب لاندري لمادا يعتقد انه يخدع الليبيين ببساطة
مالدي فعلته اصلا في الثورة والناتو هو اللي يقصف والبراني اشكال هو اللي انشق عن النظام

من طرف سميرة2 2012-05-27, 6:02 pm

"وريدة"]هدا الكداب لاندري لمادا يعتقد انه يخدع الليبيين ببساطة
مالدي فعلته اصلا في الثورة والناتو هو اللي يقصف والبراني اشكال هو اللي انشق عن النظام[/quote]
يعنى ما فيش ثورة ولا ثوار ولاشهداء اتقوا الله وقولوا الحق وين النيتوا قبل 17 فبراير لولا ثورة الشعب لما استطاع النيتوا ان يفعل شى بالعكس لو ان الشعب يريد هدا الطاغية لحماه من النيتوا وضحى من اجله

من طرف زينتا 2012-05-27, 10:37 pm

سميرة2 كتب:"وريدة"]هدا الكداب لاندري لمادا يعتقد انه يخدع الليبيين ببساطة
مالدي فعلته اصلا في الثورة والناتو هو اللي يقصف والبراني اشكال هو اللي انشق عن النظام

يعنى ما فيش ثورة ولا ثوار ولاشهداء اتقوا الله وقولوا الحق وين النيتوا قبل 17 فبراير لولا ثورة الشعب لما استطاع النيتوا ان يفعل شى بالعكس لو ان الشعب يريد هدا الطاغية لحماه من النيتوا وضحى من اجله[/quote]

اظنه هذا العضو هو نفسه اللي ديمة يردد في كلمات بفضل الناتو والبراني
اشكال يطعنو في شهدائنا اللي استشهدو في الجبهات والله المفروض مثل هكي
ردود تحذف من المنتدى الكريم

وثاني شي الاخ الكريم اللي استعمل مصطلحات المقبور دار دار شبر شبر اذا كنت ستزحف على ناكر فيوجد غيره الكثير لا داعي لذكرهم ونقول ان ليس هكذا تحل الامور بل توقد في نار الفتنة كل ليبيين وكل شي يحل بين الاخوة بالحوار والتناصح والامر بالمعروف والنهي عن المنكر وليس باستعمال القوة في النهاية نحن اخوة ليبيين وتخلصنا من المقبور وزمن الطغيان ولى ونقولها باعلى صوت والله يا اهل الشرق ان نحبكم في الله

من طرف homeland 2012-05-27, 10:48 pm

ربي ايفرج علي ليبيا من السراق المارقين..

من طرف وردة الساحل 2012-05-27, 10:55 pm

dude333 كتب:
العشيبى كتب:المجاهد عبدالله ناكر ولد بلاد وزنتانى حر ... ولولاه ماكان تأمين طرابلس وإلى الأن يأمن فى طرابلس .... وهى كلها غيره من الطرابلسيه كيف الزنتان يحموا فيهم وهم مرقدين ... فى العسل ... عاشت الزنتان حره أبيه .. أبطال وأسود ليبيا ...

معلش يا عشيبى سامحنى انقولك لا عبد الله ناكر ولا فوزى بوكتف ولا ثوار بنغازى ولا ثوار مصراتة ولا ثوار الزنتان ولا ثوار تراغن ولا ثوار اى قرية او مدينة او واحة ليبية ولا اى شخص يجمل على الليبين .

الليبين كلهم احرار ولا فرق بين ليبي وليبيى الا بحب ليبيا واذا عبد الله ناكر وامثاله يبو يجملو على ليبيا عليهم تقديم فاتورة باتعابهم وراح نجمع اتعابهم بالقرش تحت شعار
" قرش الكرامه لانقاذ ليبيا من المرتزقة"
فليذهب كل من يتجمل على ليبيا و الليبين للجحيم

يسلم فمك يا دودي
نشهد بالله كفيت ووفيت
شنو العبارة يعني .. اللي يساهم في التحرير والتأمين يسرق فلوس العباد ويلخبط ويلبزط
فكنا الله من سوهم
اصلا الراجل هضا كثرن عليه علامات الاستفهام .. كل مرة وهي طالعة عليه قصة .. شنو دوته ..؟

من طرف وردة الساحل 2012-05-27, 11:02 pm

شكرا

زينتا ونحن بدرونا نحبوكم في الله وقلبنا عليكم وعلى مصلحة ليبيا كلها .. الظفر ما يطلعش من اللحم ونشد على كلامك محتاجين لغة الحوار والنقاش باحترام .. وفعلا ما عندهاش حق اوريدة في كلامها .. ثورتنا انتصرت بدعاء وجهاد الليبين ضد الطاغية .. والناتو ساعدهم والبراني اشكال له دور كيف كيف باقي ادوار الثوار والثوار كانوا خاشين لطرابلس على اي حال .. وهي نسيت دور المعارضة برة .. والناس اللي قاموا بجهود مش عادية دبلوماسياً .. الكل ادى دوره وما عليه .. وهذا درس في توحيد الصف علشان مصلحة الوطن .. بس للي يفهم .. Very Happy

من طرف **زهرة اللوتس** 2012-05-29, 3:23 pm

العضوة رويدة هي نفسها العضوة المنيرة مسببت الفتنة والتلميع لازلام القرذافي والمقبور...لكن الانذار الباين ميفيدش ...؟؟؟؟
مشكورين للمتابعة

عبدالله ناكر ينفي ما تناقلته وسائل الإعلام حول محاولته تحوي

عبدالله ناكر ينفي ما تناقلته وسائل الإعلام حول محاولته تحوي

رد: عبدالله ناكر ينفي ما تناقلته وسائل الإعلام حول محاولته تحوي

رد: عبدالله ناكر ينفي ما تناقلته وسائل الإعلام حول محاولته تحوي

رد: عبدالله ناكر ينفي ما تناقلته وسائل الإعلام حول محاولته تحوي

رد: عبدالله ناكر ينفي ما تناقلته وسائل الإعلام حول محاولته تحوي

رد: عبدالله ناكر ينفي ما تناقلته وسائل الإعلام حول محاولته تحوي

وريدة كتبت

رد: عبدالله ناكر ينفي ما تناقلته وسائل الإعلام حول محاولته تحوي

رد: عبدالله ناكر ينفي ما تناقلته وسائل الإعلام حول محاولته تحوي

رد: عبدالله ناكر ينفي ما تناقلته وسائل الإعلام حول محاولته تحوي

رد: عبدالله ناكر ينفي ما تناقلته وسائل الإعلام حول محاولته تحوي

رد: عبدالله ناكر ينفي ما تناقلته وسائل الإعلام حول محاولته تحوي