مجلس "إقليم برقة" يصعد من لهجته إن لم يتم توزيع مقاعد المؤتم

من طرف **زهرة اللوتس** 2012-05-29, 8:34 pm

مجلس "إقليم برقة" يصعد من لهجته إن لم يتم توزيع مقاعد المؤتمر الوطني بالتساوي
قورينا الجديدة- خاص
قال رئيس "مجلس برقة"أحمد الزبير السنوس، إن "جيش برقة" المتمركزة في الوادي جاهزة للدفاع عن الاستقلال الثاني بعد التحرير – وفي وصفه لقانون الانتخابات الليبي – الذي يمنح طرابلس 101 مقعدا وبنغازي 60 مقعدا وفزان 39 مقعدا.
وطالب رئيس المجلس أحمد الزبير بالعدالة بين الأقاليم الثلاثة، مؤكدا أن هناك أطرافا لا تود سماع اسم برقة.
وأوضح السنوسي أن سكان إقليم برقة قد قاتلوا جنبا إلى جنب مع أخوانهم في الغرب من أجل التخلص من النظام السابق ولانفرق نحن بين فئة وأخرى وقد دفعوا الدماء والأرواح من أجل ليبيا.
وأكد أن هناك من حاول من جديد طمس حرية الكلمة والعقيدة التي قاتلنا من أجلها هي التي دافعنا عنها الآن وغداً ،ونحن المدافعون عن حرية ليبيا ولن نرضى بانحراف هذه السفينة وهي الآن تنحرف عن مسارها وسيكون لنا رد على هذا الانحراف.
وهدد السنوسي باستخدام قوات الحرس الوطني الذي أعلن عنه مسبقا إذا لم تتم العدالة للأقاليم المهمشة ومنها إقليم برقة وإلا فإن الحرس الوطني الذي شارك في تحرير البلاد من قبضة النظام السابق وشارك في استقلالنا الجديد في السابع عشر من فبراير سيكون له رأي آخر.
واستطرد قائلا : نريد أن نثبت للجميع أننا أصحاب حق واخترنا طريقنا وهو النظام الاتحادي لليبيا جمعيا وليس لبرقة وهو أصلح نظام يوحد الكلمة والجهود، وحقنا سنمارسه على أرض ليبيا وأننا لسنا دعاة تقسيم أو انفصال.
وأكد أن القوة التي تملكها برقة هي قوة أمن وليس قوة لمنافسة الأمن الوطني أو الجيش وإنما هي نظير ومساند للجيش الذي نأمل أن نراه بكامل قوته.
وقال السنوسي، إن هناك اشاعات وأكاذيب تبث من قنوات محلية وعربية من أجل تشويه المجلس الانتقالي لبرقة وكذلك تهميش الإعلام المحلي للمناطق الشرقية من قبل القنوات الرسمية من جديد.وحيا السنوسي مدينة بنغازي على الانتخابات المحلية التي أجرتها لأول مرة منذ عدة عقود.
وقال الزبير، إن هذا التقسيم اتحادي فيدرالي، وإنهم يستكثرون علينا النظام الفيدرالي في إشارة إلى التفاوت في عدد المقاعد بين المناطق.
من جهته، قال أحد دعاة إقليم برقة" عبد الجواد البدين، إن الإقليم سيحارب التهميش الذي عانى منه في فترة النظام السابق وفترة المجلس الانتقالي وسيوفر لكل الأقاليم كل الخدمات للمواطن ويجب أن تكون فدرالية .
وأوضح البدين لقورينا الجديدة إن مطالب المعتصمين في الوادي الأحمر هي مطالب قديمة وجديدة في نفس الوقت، وأن هناك قرارات من وزارة الداخلية ورئيس الأركان حدد فيها النطاق الإداري والعسكري للمناطق في ليبيا وأحد هذه المناطق هي منطقة الأربعين بإجدابيا وضمه إلى مدينة مصراتة ، كما أصدرت قراراً بقبول المتطوعين للداخلية بصفة دائما وأن هذا النطاق يشمل المنطقة الوسطى وجعل الحدود الإدارية للمدينة من قصر الخيار إلى البريقة.
وأوضح، نحن هربنا من مركزية طرابلس ونقع الآن في مركزية مدينة مصراتة، مشيرا إلى أن هناك من يحاول زرع الفتنة بين المدن لإشغالهم التحديات التي تواجه البلاد، مؤكدا أن أول من انتبه إلى هذه التقسيمات هم سكان المنطقة الوسطى الذين اعتصموا في الوادي الأحمر.
وأكد أن من خطط لهذه التقسيمات الجديدة يريد أن يفتت المنطقة الوسطى وهذا يضع علامات استفهام لهذه التقسيمات والتي تريد أن تنهش كيان الأقلية في المنطقة الوسطى مما أدى إلى اعتصام من قبل قبيلة المغاربة والعديد من القبائل في الشرق لهذه القرارات.
تقسيمات المؤتمر الوطني
وعن تقسيمات أو توزيع المؤتمر الوطني للمناطق، قال عبد الجواد البدين إن منطقة فزان تفاجأت أنها مثلت 30 مقعدا فقط وليس 39 كما أدعى المؤتمر الوطني من أجل مايسمى سياسة الأمر الواقع.
وطالب البدين من المجلس الانتقالي التفاوض من أجل تعديل المقاعد في المنطقة الشرقية والجنوبية، معللاً بقوله " نحن شركاء في الوطن ولابد من أن نبني ليبيا بالتوافق".
وأكد البدين أنه إذا لم يتم تعديل المقاعد فإن البلاد سوف تدخل في نفق مظلم له أول وليس له آخر،مشيرا إلى أن من يريد أن يعين سفراء مثلا سيكون بالأغلبية في المؤتمر الوطني كذلك هو الوضع في اختيار ايفاد البعثات الخارجية.
وأوضح أن من يقرر مصير البلاد هم المؤتمر الوطني وأعضاؤه والتي تريد أن تبني المستقبل ،هم من سيحاسبون أزلام النظام السابق وهم سوف يحاسبون الذين ارتكبوا جرائم الحرب.
ووصف المجلس الانتقالي والحكومة بالماسونية ..لا نعرف من يحكم من وأين أموالنا ..أصبحنا نقرأ أخبار الحكومة على مواقع "الفيس بوك" ومن هو المسؤول عن إصدار القرار؟ وهذا وضع خطير جدا وحساس.
استياء من الحكومة
وعبر البدين عن أسفه من بعض المسؤولين في الحكومة الانتقالية والمجلس الانتقالي بوصف دعاة الفيدرالية بالكلاب، وذلك عندما اجرت إحدى القنوات الرسمية لقاءً من أحد المسؤولين حيث قال القافلة تسير والكلاب تنبح .. هل الذين قاتلوا ضد القذافي من أولى أيام الثورة أصبحوا الآن كلابا؟، وإذ انتخب المؤتمر الوطني فعلى ليبيا السلام.
وأوضح ، عندما طلبنا مقاطعة انتخابات المؤتمر الوطني وذلك أجل عدم الوقوع في الفخ الذي نصبه وخططه المسؤولون في مدينة طرابلس، معللاً ذلك بالأموال التي صرفت على الثوار في المنطقة الشرقية بحوالي 170 مليون فقط ولكن المنطقة الغربية صرف عليها باقي المال الذي يقدر بحوالي 2 مليار دينار.
وهدد البدين باستخدام لغة الرصاص إذ لم يستجب الوطني الانتقالي لمطالبنا وأن تضع الأمور كلها على طاولة المفاوضات وكذلك تعديل مقاعد المؤتمر الوطني وإلا أنه لن يكون هناك لغة إلا لغة الرصاص.
وحذر عبد الجواد البدين من حرب أهلية في ليبيا، وقال إن من سماهم "الديناصورات في طرابلس يحاولون الهيمنة على المؤتمر الوطني".
وأكد أن صلاحياته تصل إلى حد تغيير العلم والنشيد، مشيرا إلى أنهم مع التوافق بين مختلف أرجاء البلاد للخروج من النفق المظلم. وحذر البدين الناطق باسم الحكومة الانتقالية ناصر المانع منتقدا تلويحه باستخدام القوة والضرب بيد من حديد بعد انتخاب حكومة شرعية.

من طرف اسماعيل ادريس 2012-05-30, 12:42 am

لاحول ولاقوة الا بالله
هذي سياسة المجلس واعضائه موش عارف وين ايريدوا ايوصلوا ليبيا
بسياساتهم الطائشه والمعتوهه
المفروض ايتحمل المجلس والحكومه مسؤلياتهم وايحاولوا ايصلحوا اللي خربوها
هم من ينشر الفتن والمؤمرات بين الليبيين لكي يطول بقائهم فالحكم
المفروض على الجميع ايراعوا مصلحة ليبيا قبل كل شي
وبعدين المجلس موش عارف كيف ايفكر..
لما قامت الثوره ...هل حددوها بالنسب والكثافه السكانيه..ليش اليوم يحكوا بيهن ويحكوا عليهن ...هذين سبب الفتن والشقاق بين الاخوه
شكـــــــــــــــــــــــــ مجلس "إقليم برقة" يصعد من لهجته إن لم يتم توزيع مقاعد المؤتم 999507

مجلس "إقليم برقة" يصعد من لهجته إن لم يتم توزيع مقاعد المؤتم 999507

ـــــــــــرآ وبـــــــــــــــارك الله فيـــــك

من طرف ليبيا واحدة 2012-05-30, 12:53 am

خسارة يا زبير ويا البدين
دايرينكم مناشف فيدرالية
لاحظوا كل كلامهم حقد على طرابلس والغرب
لا يمكن ان يسوقوا للفيدرالية دون اثارة الحقد بين الليبيين
وهذا اخطر شي في الفيدرالية
الامور في السياسة تبدا صغيرة وتكبر
فما بالكم ادا بدات كبيرة من الاول
لغتهم الشيطانية هده بداية خطيرة لن تكون ناهيتها الا الانفصال وانقسام الوطن بين 7 مناطق على الاقل واحدة بعد الاخرى والله المستعان

من طرف وردة الساحل 2012-05-30, 1:07 am

يستر الله الوضع ايخوف
من ناحية تلقى عندهم الحق .. ومن ناحية اخرى كلام (( الرصاص )) فيه سوء نية وتهديد بامان البلاد وخطر عليها
الحل:
ينصاع شوية المجلس الانتقالي لطلباتهم .. والواضح انها مشروعة

من طرف اسماعيل ادريس 2012-05-30, 1:41 am

عاااااااااااااااادي اختي وردة الساحل
مرات لغة الرصاص اجدى وانفع في تنفيذ المطالب
في نماذج اتخاف وماتتحشم ..والمجلس واللي معاه ويوسوسوا له ايخافوا ومايتحشموا
هضا مايريدوا المجلس واللي ايتبعوا فيهم ونواياهم سود عليهم

من طرف اسماعيل ادريس 2012-05-30, 1:45 am

إتقي الله في كلامك
اي حقد اللي تحكي عليه علي طرابلس
لوكان حاقدين عليها ماناصرناها من اول يوم وماقلنا عاصمتنا
انت اللي كاره الشرق واهله كلهم وانا املاحظ كلامك وردودك
وكنت انتحاشى انرد عليك ...
خليك حيادي ياأخي وبلاش مالكلام اللي اتقول فيه عالشرق والفيدراليين
ليبيين وثوار
عبدالجواد البدين قائد ميداني ومشهود له بمواقفه اللي دارهن فالجبهه
بلاش لغة التخوين ...كلنا ليبيين

من طرف محمد اللافي 2012-05-30, 1:54 am

قال ديناصورات طرابلس ليش تختارو في الكلام الي اتحبو تسمعهو والباقي اتسيبوة ليش ما قلت كنهم
مافيش ولا واحد منكم قال ليش رافضين التوزيع شنو صاير
ليش مافيكم حد قال من الي دار التوزيع هضا اذا كان موش المستشار ولا المفوضية العليا للانتخاب
ليش ما قلتو ليبيا واحدة ان شاء الله ياخذوهن كلهن ال200 كرسي المهم نقعدو يد وحده
ليش اتهاجمو وتتهمو في الناس بالانفصال والتقسيم نفس اسلوب شاكير وحمزة وغيرة

من طرف اسماعيل ادريس 2012-05-30, 2:02 am

لا يابواللافي ياتسكت ..واللي يعطوها لك تاخذها وانت ساكت
وان كانك تكلمت علي حقك خاين وموش ليبي وعميل وكل حاجه شينه فيك
استعملوا الاعلام وبدوا يشحنوا فالليبيين علي بعضهم عشان اتقوم حرب اهليه
بين الشرق والغرب ..ايريدوا ينقلوا مشاكل والفتن الواقعه فالمناطق الغربيه
فالشرق ...
هضا بدل مايبحثوا علي حلول لفض وانهاء مشاكل وقتال بعض المناطق الغربيه
ومحاوله التسويه بينهم
لا بالعكس ايريدوا ينقلوهن للشرق وللا اتكون مشاكل بين الشرق والغرب
وذلك بفعل فاعل ..وهم ازلام القذافي وبقايا نظامه المتواجد فالحكومه والمجلس
واللي موش ظاهرين ومتحكمين فالمجلس والحكومه .والادله كثيره علي ذلك

من طرف محمد اللافي 2012-05-30, 2:38 am

والله ما عاد ساكتين وليبية حرة موحده وكل واحد ياخذ حقة اما المهزلة الي توا صايرة والله العظيم ماهي ماشية لو تنقلب عاليها علي سافيها

من طرف اسماعيل ادريس 2012-05-30, 2:46 am

هي اللي جايه ...توا ولله ايخافوا وايديروا حساب
واللي كاذبه عليه روحه وكان طامع وللا ناوي ايهمش اي منطقه في ليبيا
ايدير 1000 حساب قبل مايفكر في حاجه
وتوا تسمع عالقرارات اللي يصدرن في هاليومين
لانهم امتاعين زر وايخافوا ومايتحشموا النوعيه هذي{المجلس والحكومه}
واللي ايساند فيهم ويوسوس لهم ويبث لهم فالسموم وينشر فالفتن

من طرف شموخ انثى 2012-05-30, 2:51 am

الله يسلم فمك يازبير ويطوللنا فى عمرك وتبين الحق من الباطل وطبعا فى ناس مش حيعجبهم كلام السيد الزبير ويشوهوه ويقولو فتان فى حين لو دافع الزبير عليهم وقال ضلمتو طرابلس او مصراته او زنتان او حتى زليتن راه عجبكم كلامه وحطيتوه فوق روسكم

ليش التفرقه العنصريه هذى

من طرف **زهرة اللوتس** 2012-05-30, 7:03 am

مشكورين للمتابعة..وفقكم الله

من طرف ليبيا واحدة 2012-05-30, 11:03 am

اتق الله يا اسماعيل اقرا ردودي وما تتهمني بكره الشرق
الفتنة ابتعدوا عنها
لو بنيتوا لفيدرالية على اساس مشاعر الكراهية ضد الغرب معناها انقسام اكييييييييييد عاجل او اجل
الامور تنعرف من بداياتها
اقوى حجة لديكم يا فيدرالية هي تحريضكم على الغرب بالاشاعات والامور اللي انتهت من زمان
الشرق اعظم من هكي الشرق هو ليبيا
وحدة ليبيا سيدافع عنها الشرق
امام الانفصاليين

لو تفدرلت ليبيا الى 3 ولايات بكل هده الحملات المغرضة
معناها بتنقسم زي يوغسلافيا
وزي السودان
وزي تيمور الشرقية

الفيدراليين بدوا قصتهم بادعاء ان الفيدرالية تقسيم اداري
لكن هده هي النهاية تحريض واشاعات واتارة القبليات والاحقاد

هم قلة لا تمثل الشرق

والدليل انهم دعوا لمقاطعة الانتخابات وفشلوا ما سمعوهم اهل الشرق

من طرف اسماعيل ادريس 2012-05-30, 4:52 pm

الشرق هو ليبيا ,,,مقوله ايقولوا فيها لما ايسير عليهم الزر
كلااااااااااااااااااااااااااااام بس وحبر علي ورق
نحن انريدوا فعل موش كلااااااااااااااام ..اتعبنا مالكلاااااااااااااااااام
وماتعمر نين اتخرب ...وشكلها مااااااااااااشيه لدم اخرى
كلاااااااااااامك كله ايدل علي احقاد دفينه عالشرق والشراقه
بتخوينك لبعض من اهله وسكانه ...هضوم ليبيين
صح ماكنش راضييين علي تصرفاتهم من قبل
لكن توا انأيدوهم لأنه الحقائق والرؤيه وضحت والاحقاد والاطماع وضحت

من طرف homeland 2012-05-30, 10:22 pm

طيرتهلي..
ولاية برقه ولاية طرابلس ولاية فزان اوقالوا بني وليد ماتبيهمش الثلاثة لذلك سمها الرصيفه ..
حال ايضحك وبكي..
بهدلتونا

من طرف اسماعيل ادريس 2012-05-31, 12:49 am

انريدوا كلمة الحق بس
موش زي هضا حاقد عالشرق والشراقه ..قاعد غير يحكي وخلاص
وماعنده ولاحاجه الا الفيدراليه الفيدراليه
ناقش يااخي موضوع مشاكل ليبيا الاخرى الفيدراليه مقدور عليها
يقدر ينقد وللا يحكي عاي نااااااااااااااكر وللا فرج السويحلي
وللا المشاكل واللي لازم ايشوفوا فيهن حل سريعاللي واقعه بين مناطق ليبيا الغربية...

من طرف ليبيا واحدة 2012-05-31, 2:13 am

صحيح كلامك اسماعيل الشرق وبنغازي هتفت بيهن الجمهور الليبي يوم صاير فيها الزر بس كلمة الزر خفيفة بكل
هتفت بحب بنغازي ليبيا يوم كان يعني الاعدام والقتل والاغتصاب
هتفت بيه الزنتان اللي تمسكوا ببنغازي وقطعوا حلفهم القبلي مع ورفلة بني وليد والقدادفة فرجعت الزنتان الى العصر الحجري باللجوء الى الكهوف من الحصار والقصف
هتف بيه امازيغ الجبل الغربي اللي كرههم القردافي في حاجة اسمها عرب لمدة 40 سنة لكن عرفوا ان همهم وهم عرب بنغازي واحد ووطنهم واحد
هتفت بيه الزاوية اللي دكها القردافي بالدبابات وقتل وخطف من ابناءها 5000 غير الاغتصاب
هتفت فشلوم بحب بنغازي وتقطع ابناؤها بالاربعطاش ونص غير الاغتصاب
هتفت تاجورا وسوق الجمعة فقتل وتعوق الالاف من ابنائهم غير الاغتصاب
هتفت مصراتة باسم بنغازي فاحصرها القردافي بالمرتزقة والجيوش لمدة 6 شهور قصف وقتل واغتصاب

وكل اللي صار ما هوش واجد على بنغازي
لان بنغازي كانت تعني الثورة نفسها
كانت تعني الوطن
وان شاء الله تفشل مخططات الفيدرالية وما ننحرم من بنغازي امنا اللي نبوها هيا ومدن الشرق تكون احسن من دبي والدوحة
وبدون فيدرالية خطيرة نقضوا على المركزية اللي رسخها القردافي ليس حبا في طرابلس ولكن كي يكون كل شي قريب من جحر باب العزيزية يعني قريب منه حتى يسيطر على كل شي في ليبيا

مجلس "إقليم برقة" يصعد من لهجته إن لم يتم توزيع مقاعد المؤتم

مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم

رد: مجلس "إقليم برقة" يصعد من لهجته إن لم يتم توزيع مقاعد المؤتم