ما القيت شى نشاد ايقول مرحبا ينشد بلا ميعاد مثيل نشدتي

من طرف **العاشق الصغير** 2012-06-03, 7:11 pm

ما القيت شى نشاد

ما القيت شى نشاد .. ايقول مرحبا ينشد بلا ميعاد ... مثيل نشدتى

ما القيت شى صاحيب ... ينشد بلا ميعاد وين انغيب

ايقول مرحبا مرحب ابطرح اوطيب ... الله الله يا غيبة ضنا لجواد

افلين عليك ايقول با الترجيب ... اولا عندهم واللى ايجى زباد

ما القيتم يا نارى ... اللى ينشدو عن حالتى وخبارى

اولا القيت واحد يا ظلام اديارى ... ايجيكن اونا فيكن طريح اوساد

شايل امعاى اهموم غير انذارى ... علثر الجظر والموح ياسى زاد

ايودن ايجيبن كل يوم افكار ... حايرات بين ابيض اوبين سواد

ما القيتم فى جنبى ... وقتا تعاكس ليش توا دربى

ويش درت قولو يارفاقه ذنبى ... على علم علمى ناللى وداد

ديمه امعاكم فى العسيره حربى ... نهار المكوغط وين جا وقاد

كريم مالكرم قالو عليا مربى ... عفيف نفس ما نخدم ضنا لسياد

ما القيت منهم واللى ... اللى ينشدو عن حالتى واحوالى

سماحة الرفق يعمر انكان اهلالى ... ماهو رفق يومين غير كساد

اوسماحة الرفق تاخذ كبير اجمالى ... منى اومنك ناخذه ما عاد

اوسماحة الرفق وقتا انجيتك جالى ... نا خذ افراش البيت والسجاد

اوسماحة الرفق ما بينا لاواللى ... ينسج اخيوط اولا ايسير اعناد

اوسماحة الرفق تشعر على موالى ... اونا زاد نشعرلك انصار نكاد

اوزيده سماحه مشيته طوالى ... يفنى العمر ويعدى بلا نعداد

ما القيت شى نشاد ... ايقول مرحبا ينشد بلا ميعاد ... مثيل نشدتى
م ن ق و ل