كامي دفين اسرار

من طرف شموخ انثى 2012-06-16, 4:56 pm

كامي دفين اسرار... انشاكيت عله وان كميت امرار... واحترت بينهن
كامي نصيب دفاين... واللي توجعك ضيعة الحق الباين
وان فيك مصلحه تلقا عرب تزاين... علي قيس مصلحتك اتنال اقدار
رفق مصلحه حسبت احساب رهاين... نهار تنضره تحتم رفيقك طار
واجد اللي تبقي عليهم هاين...ولك يفرحو وقتا اتشيط النار
كامي لمه ... نية الاعزاز لقيت سوده صمه
كاينة عدوك ياقريني غمه...رخوني اعزاز علي ف المشوار
كيف من اقتل باته وخوه وعمه...نهار فرحته خانه رقيق غبار
وبان كل شي من قبل كان مغمه...ونا بقلب غافل نين هكي صار
ع الشامت وماوالملح يقرض سمه...واللي اديرها صيور لك تندار
والبيت عدلته جابر وكم ورمه...وعادة عمار الخيرين اقصار
وكي اللي عليكم من امنزل عمه... يندال خضراكم تصيف سمار
كامي اسرار اتحير= ومالقيت واحد ياغوالي خير
وجف الجسد وانا بموس انسير... وخايف عليكم خوف م التيار
وين ما بقص عضمي الحال تغير... رخيتوا ونا حاصل غريق قرار
وراه الدنيا يااعزاز ادير...وتلحق علي الطايح وع الشطار
مامن دفين صلايب...ومانسال في عيبه ان عاب العايب
قليل الرباوه ماعليه عتايب...وديل العرب ماعمر رد بتار
كامي ويامه كامي...عندي العقل مطليم وفاض جمامي
زواعب هطيله ع الخدود ضمامي...هطيل سيل متداعي مع جيفار
نحساب السراب شراب جيته رامي...معطش اوصلته مالقيت اثار
غرور غربي اعزاز مسامي... نحسابهم الا ثاريتهم تشكار
بقدري جريت لهم علي قسامي...لقيته رفقهم لي موس ونار
كامي اسرار عجيبه...والمولي خلق لكل شي ترتيبه
ورا الحي ما ياخذ مغير نصيبه... وحيل الحياه حقوق موش افكار
وياما اركبنا من حموق وديبه...وأياما ونحنا والزمان عمار
واليوم كل حد منا ارضي بنصيبه...رضي قول يانا ما ايطفي نار
لو كان قول يانا كل شي اتجيبه...ندير بدع ماداره ذهيب اشوار
اللي ماعندها ترجيبه...تخلي عطيب الناس كوز اكبار
وين ما اتبرم عندها تصليبه...تحط بوم في مركاز اطيور احرار
واتخلي ولد الاجواد ماله هيبه...ودمعه علي خده قوي تيار
كامي دفين اسرار... انشاكيت عله وان كميت امرار... واحترت بينهن
تحيـــــاتي