المستشار مصطفي عبد الجليل علي قناة ليبيا الاحرار الان

كذاااااااااااااااااااااااااااااااب حشاكم

اكيد العلم عند الله وحسبنا الله ونعم الوكيل

*مصطفي عبد الجليل: تيار الاخوان المسلمين ليس لديهم يد بخصوص قرار تعويض سجناء

والله باقي تثني على الآخوان وااااايد يارياااال
خايف في الحلقة الخيرة تقعد منهم ... يارب يكون كلامي خطا

مصطفى عبدالجليل سادك ضحك واستعباط على الشعب محد ضربك على ايدك قدم استقالتك وبلاش منن علينا

المستشار مصطفى عبدالجليل اجتمع عليه كل الليبيين ولن ننسى فضله وانشاء الله يقدره ربي في قيادة البلاد إلى أن يسلمها إلى المؤتمر الوطني العام . والناس الذين يكيلون له الإتهامات أين هم في بداية الثورة عندما كان القذافي بيشتري رأسه بملايين الدينارات ؟ لقد كانوا مختبئين في منازلهم ينتظرون مصير مصطفى عبدالجليل ومن معه إذا ما تم القبض عليهم .والآن بعد انتصار الثورة بفضل الله صاروا أبطالا ومنشقين عن القذافي مند البداية وينسجون قصص بطلاتهم التي من نسج خيالهم ولا أساس لها في الواقع ويرون أنفسهم بأنهم أولى بقيادة البلاد ومصطفى عبدالجليل صار عندهم وشيوعي وعميل و . . . . إنهم المنافقون والتاريخ سيفضحهم .

[quote="shinghir"]المستشار مصطفى عبدالجليل اجتمع عليه كل الليبيين ولن ننسى فضله وانشاء الله يقدره ربي في قيادة البلاد إلى أن يسلمها إلى المؤتمر الوطني العام . والناس الذين يكيلون له الإتهامات أين هم في بداية الثورة عندما كان القذافي بيشتري رأسه بملايين الدينارات ؟ لقد كانوا مختبئين في منازلهم ينتظرون مصير مصطفى عبدالجليل ومن معه إذا ما تم القبض عليهم .والآن بعد انتصار الثورة بفضل الله صاروا أبطالا ومنشقين عن القذافي مند البداية وينسجون قصص بطلاتهم التي من نسج خيالهم ولا أساس لها في الواقع ويرون أنفسهم بأنهم أولى بقيادة البلاد ومصطفى عبدالجليل صار عندهم وشيوعي وعميل و . . . . إن هم المنافقون والتاريخ سيفضحهم

اووووووووووكى صاح اجتمع زمان ايام المسكنه والكلام المزيف وانا حنديركلم وحنغيرو ليبيا وحنفعلو المحاكم ونحاكمو الازلام ونردو الفلووووووس ونضعو الرجل المناسب فى المكان المناسب للاسف كاننت مجرد دوووه اليوم ماشفنا منها شى ماتغير غير العلم والنشيد وبالنسبه للمستشار لم يقدم اكثر ماقدمه الشهيد وللا الجريح ولا المفقود هو قاد المرحله ولم جا رتل القذافى اختفو كلهم معش بقى حد فى بنغازى الا الرجال فقط

مايتمننش علينا لو مش عاجبه الوضع من بكرا يقدم استقالته ورجال ليبيا كثيييييييييرون

مصطفى تغير 360 درجه من يوم تحرير طرابلس
ووخونا اللي خاش وانا انرحب بيه قبل كل حاجه وانقول له
الثوره مافي حد ايزايد علي حد ..
مصطفى عبدالجليل يوم اللي جا للبيضا جا مفوض مالبغدادي بتهدئة الامور ياسيد
لكن تريس البيضا لاسمعوه ولاعدلوا عليه ززمما اضطره لركوب الموجه
وثانيآ عبدالجليل عيوبه بانن بسيطرة بعض الميليشيات على قراراته السياسيه
وخصوصآ الداخليه واللي اتخص الليبيين وليبيا وتحكموا فيه اشوية لصوص
وجهويين وعنصريين....
ثالثآ والاهم مصطفى عبدالجليل مدان في قضية اللواء والشواهد كثيره
وآخرها ومنذ حوالي 15 يوم بعث هو شخصيآ اسماء المتهمين وهي قائمه جديده
ومنها الغير معلن وآخرها خرج ألأسبوع الماضي في الاجتماع الذي اقامته قبيلة العبيدات في منطقة ام الرزم وذلك بعد جمع ادله جديده عليه وعلي بعض المسؤلين فالمجلس
رابعآ والاهم مصطفي عبدالجليل متهم ياسيد باهدار المال العام وابسط دليل
القرار الذي صدر منذ ايام بخصوص السجناء السياسيين ..ايش رايك فيه
خامسآ والاهم والاخطر انتشار الفتن والفرقه وعدم تفعيل المصالحه الوطنيه
التي كان كل الليبيين يتشوقون اليها وذلك لبناء ليبيا والعيش في امن وامان
سادسآ جعل فوارق بين المناطق الليبيه بأن فضلوا منطقه علي اخرى
والخدمات واضحه ومتباينه ,,وتقدروا اتشوفوا بعيونكم
سابعآ..متهم بتمريره قانون مقاعد المؤتمر الوطني والذي استغله واقروه بعض اللصوص الجهوييين من الاخوان والجماعات والميليشيات المارقه ..
~~~~~~~~~~~~~~~~~~~~~~~~~~~~
وفي رايي الشخصي لم يقل الصدق وبدأ يراوغ كعادته ولم يعطي نتيجه
في حواره كعادته دائمآ.....
شكـــــــــــ ـــــــــــــــــــــــرآ وبــــــــــــــــارك الله فيــــــــــــــــك

حتى معمر الكافر أول طلعته كان ياما يحبه من الشعب
وكان مندس بين الاخوان وبعدين انقلب عليهم
مع انه شتان بينه وبين مصطفى عبد الجليل
ولكن للشيطان خطوات وماشي فيهن جليل .... يستر الله ربي يهديه

توا هذا كله داره مصطفى عبدالجليل..بااهي
نحكوه منطقيا ..حطني دليل..واثباتات ملينا كلام سمعتها من فلان وقالها لي علان..
عطووووووني دليل من الكلام الي تقولوه فيه..
بعدين مش المستشار الي تغير بس..الشعب كله تغير.....مليووووووون درجة..والله انا نعرف لما نبي نرفع قضية على فلان انحط اورااقي كلهن قداام.القااضي...باثبات ودليل..غير هكي ماشفنا شئ..كله تفريغ كلام..وكل وااحد يحكي شكل...
.وبعدين.. ((إن الله لايغير مابقوم حتى يغيروا مابأنفسهم))
كل ليبي يبدااا بنفسه..مش عبدالجليل ولا حتى غيره حيغير ليبيا مداام الليبيين عاابيين على انه عبدالجليل هو الي يغير الوضع..
وقبل التعليق تذكر قوله تعالى (( مَا يَلْفِظُ مِنْ قَوْلٍ إِلا لَدَيْهِ رَقِيبٌ عَتِيدٌ )) ...لانه الحكاية زاادت عن حدها..امس حذفت تعليق سب وشتم.ولعن.. ..والله الثورة تغيرت لما خشيتوه على هالموال..وربي يستر على ليبيا من الي جااي
**********************

زهرة اللوتس كتب:

*مصطفى عبدالجليل :
من يقول أنني تدخلت لأجل إطلاق صراح اسرى آلآجانب الذين حاولوا تهريب سيف عليه أن يخرج على وسآئل آلآعلام و يقول لأنه مؤتمن و قد قام بحلف يمين القسم ~ هذا الخبر غير صحيّح و غير منطقيّ !

والله نصدق الشيخ والقائد الميداني العجمي العتيري وانت لا يا عبدالجليل وفعلا انت والحكومة طالبتو باطلاق سراحهم لكن دم ابناء ليبيا غالي ولا يمكن نفرطو فيه

شن تبى ياعزيزتى لوتس من اثبات ودلائل وانا نعطيك من وين نبدو

من مدن ليبيا لى كل يوم مطربقه وحده مره سبها ومره الكفره ومره الحدود وتوا مزده انمسحت فى ظل غياب كامل للداخليه والمجلس والححكومه والدفاع

من الفوضى وعدم الامان والسكره والحشاشه والبضايع المهربه من الحدود لارقيب ولا حسيب

من القمامه لى فى كل مكان وعننا فالبيضا قريب تخش فى حواشينا ولما عيطنا قالو لافى سيارات ولا ميزانيه ولامكان نحرقو فيه اصلا واعتصمنا ومحد عبرنا

من هروب الازلام وبشير صالح وغيرا والامعه هاله المصراتى لى فرت لمصر وقاعد تسب فينا يومى فى البالتوك من لى هربها ومشاها من الحدود

من البغدادى لى كوسد لاحمد قذاف الدم لىمستشارى سيف لى يدهورو بفلوس الشعب الليبى وكل يوم بيقولو يسلموهم وبعد ساعه تطلع تونس ومصر تنفى

من موضوع عبدالله السنوسى لى معد عارفنا راسه من كرعيه مش حق الثكالى والارامل فى مجازر بوسليم مش ليبيا ليها سياده وهى الاحق بمحاكمتا تذلنا موريتانيا بيه

من موضوع الشهيد لى له سنه ونص ماعرفنا من المجرم كل يوم عازقينا على واحد لوكان جابو كونان راه حلافى يومين

من توزيعة المقاعد الظالمه للشرق وتاجيل الانتخابات وتعطيل الدوله والمرافق الحيويويه

من المليشيات المسلحه والكتائب لى انقلبت على بعضها من ناكر والصلابى وقصص مصالحة الازلام وتغير الحريزى البيان الكاذب لى كان يقرا فيه

من السمعه السيئه لليبين للخارج ولى طالع عشان لحميه ولوز وتحويل وشم فالاردن وهذا قدام عينى

من موضوع الجرحا والمفقودين والمعوقن ووزيرة الصحه لتمنن عليهم كل مره بقرار

من هالمحطات لى معبيا اغانى ومسجات وشات وقطاف فاضى

انا مسؤوله عن ككلامى كونى طالبه طب ومتتبعه لسياسه بلادى لم يتغير شى سوى العلم والنشيد
وكان عالافين ريت هالحاجه الكبيره لعندد توا فى ناس ماحقوهن وماتخذش الا كان عندك واسطه فى المصرف وبلاش منهن احسن لانهن مادارن شى
باهى النقاط لى فوق كلهن توا تقولى مش شور عبد الجليل معاك اجليل هو لى يعين ويحط ويغير هو لى حط الكيب الشايب الكبير وهو لى جاب ذوى الجنيه الامريكيه وحطهم وزراء ولو مكذبين كلامى ليش الحكومه الكيب شكت من المجلس ومن عبد الجليل ان يتدخلى فى قرارات الحكومه وتعيين سفرائها ولا انت ياجليل قائد ورمز وماتاخذ فى مرتب وقاعد بس على المصالحه الوطنيه



اتقى الله فينا يارجل لان وجودك من عدمه واحد اللفوضى لم تتغير\

ارحل عنا يازعيم الاستقالات والمنشقين فقد مللناك

ههههههههههههههههههههه

معناها اجليل رمز ومايخدش مرتب وهو رومز الوحوديون الاحرار ورمز الامه القطريه وهوو لى القط يكل عشاه ولى تحته هو سبب لدمار ولبلا

بس يبقى السؤال كان عندا ذرة احساس باقيه ليش مايستقيل لان الباين والكل يشهد ان بقاء زى عدما

والسؤال الثانى شن قدم المستشار للبلاد

الباين مالقيتيش جواب لااسئلتى لوتس

عموما نحن اخوة والاختلاف فى الراي لايفسد فالود قضيه

وبالليبى مادامت للفرعون ولا لمعمر

صيورا حتا هو ماشى وتبقى ليبيا وشعبها

انا الكلااااااااااااااااام اللي قلته مسؤل عليه يالوتس
وتدروا تسألوا مافي واااااااااااااااحد ماعنده صديق اوقريب في جميع ربوع ليبيا
واللي متأكد منها زي روحي تورطه في قضية اغتيال اللواء الشهيد والايام تثبت
وخير دليل على ذلك الاجتماع الذي حصل في منطقة ام الرزم
والاجتماع هضا ماحصل نين وصلن ادله جديده وبالبراهين والشهود
وقولته انه مستعد للمحاكمه ...حشاكم كذاب ومايقدرش لأنه غارق لغاية ذانه
معقوله السبع نقاط اللي سردتهن عليكم مافيهنش حاااااااااااااجه وانا انتبلى عليه
هضا واقعنا واللي مايشوفش مالغربال يبقى اعمى....
تقبلي مروري وكل وجهة نظره الخاصه به

يا اخي الموضوع موش موضوع عبد الفتاح
الموضوع موضوع وطن وانا انقولك حجتي يا لوتس
كلكم راعي وكلا مسؤل عن رعيته
جميع القرارت الصادرة من المجلس والتي ساهمت في اهدار المال العام بتوقيع ومباركة سيادة المستشار علية ضغط ماعلية ضغط موش شوري انا نعرف انه مسؤل امام الله وامام الناس بأهدار المال العام او بالاصح بالفساد الاداري والمالي
وعموما الايام بينا لو بعد الدمار والضياع والسرقه هذي كلها ودعم المليشيات واهمال الجيش والشرطه واعطاء جميع الصلحيات للمليشيات الموالية موش مقتنعه معنها انقولك الايام توا ايورنك مصطفي وين حط ليبيا

" إن الله لا يغير ما بقوم حتى يغيروا ما بأنفسهم "

إخواني .. ليبيا لن تصلح إلا إذا صلحنا

و ليبدأ كل شخص من نفسه

فلنتق الله و لنتبع هدي نبيه

و ليخلص كل منا في عمله

حفظ الله ليبيا من الفتن ما ظهر منها و ما بطن

الله اكبر ياليبيين

قريت كل تعلقياتكم .. وكل وجهة نظر منكم تستحق الاهتمام وفيها جانب كبير من الصحة
وحبيت انشارككم بهالنقاط :
اولا: مفيش دخان بلانار .. واعتقد ان احداث كثيرة في ليبيا وكثيرة جدا تبين ان المجلس الانتقالي فيه خطأ كبير .. متعمد .. او تحت ضغط .. او فوضى .. مش هذا المهم .. المهم ان هالاحداث اثرت واجد في ليبيا بطريقة سلبية
وانا انشوف ان مصطفى عبد الجليل كان المفروض فيه ان يأما يأدي ما عليه بضمير او يترك بشرف .
مش معقولة كل هالاحداث والاخطاء والفوضى تحدث قدام سمعه وبصره ومش عارف بيها .. كلام غير منطقي ..

ثانيا: الاحداث اللي الان غامضة بكرة حتكون واضحة " ويا خبر اليوم بفلوس .. "
فحرام على المستشار ان ينفي امور كان له يد فيهن وايجي يوم وتظهر واضحة للناس .. معقولة ما صدرش قرارات غلط .. اعترف بخطأك على الاقل الناس تحترمك وتحس انك حساس بالندم

وبصراحة كثر نفي عبد الجليل .. معقولة كل الناس كذابين وهو بس اللي صادق .. اللي تكلموا مجموعة كبيرة كلهم اكذبوا ؟؟؟؟؟!!!!!! نقط مهمة جدا يا جماعة .. واضحة زي عين الشمس

وحتى المجتمع الليبي - فعلا - عليه حمل كبير وهو خلق الاحساس بالايجايبة في الناس مش كل شي على الحكومة ..

المهم ربي يهدي ... ويحط ربي مستقبل ليبيا بين ايدين انسان ايخاف الله ويتقيه ويفكر في هالشباب اللي دفعوا دمهم لهالوطن رخيص .. وكل الناس اللي راحت بسبب هالحرب ..


وتحياتي