جابك الله واحصلت يابغــدادي يقولو العين بعين وانت البادي

من طرف **زهرة اللوتس** 2012-06-25, 11:07 am

هذه الابيــات بمناسبــة القبـض على المجرم البغدادي المحمودي

جابك الله واحصلت يابغــدادي
يقولو العين بعين وانت البادي
.....................................
جابك الله واحصـــــــــــــــــــــــــلت
وفوق الكتوف اسلاف ماضي شلت
في وطنا بالظلـــم صلت وجلــــــت
وتلهف كما المنشار جاي وغـــادي
مدامع حرايـــــــــــر عالوطا سيلت
ضنا ليبيا يا نــــذل ليش اتعادي؟؟
مامن عفيفــــــة عرضها حللـــت
ماقلت لاما نهيــــن بنـــت بلادي
احرار ليبيا الاخيــار ليش قتلت؟؟
الي درتها مايديرهـــــا موسادي
واليوم سيدك زال وانـــــــتَ زلت
جل جلاله نحمـــــــــدوه الهادي
.........................................
جابك الله واحصلت يابغــــــدادي
يقولو العين بعين وانت البـــادي
.......................................
يقولو العيــــــــن ابعيـــــــــــــن
ونحن عندنا من قبل عندك دين
وحان موعدا الخلاص ياللعيــــــن
دين بالمهل يخلص ومو سقادي
دين قتلتك لاحرار ليبيــــــــــــــن
دين جيبتك مالي معاه اتشادي
دين مايعدي هك بين وبيـــــــن
تماديت واتبعتا الي متمــــــادي
..........................................
جابك الله واحصلت يابغــــدادي
يقولو العين بعين وانت البادي
..........................................
واســـلـــمـــتو الشاعر : صلاح الغزالي

من طرف عبدالله خليفه العريفى 2012-06-26, 9:05 pm

اول مبادى بالصلاه عالهادى ... نبينا محمد طيب التذكار

وثانى كلامى ... للعموم سلامى... نهنى ضنا ليبيا حماة الدار

هذا هولى ايهدد... وفى لسلام ايقدد... علينا وفينا ماخصص عطاب نهار

وتوا حسابه... حان ربى جابه... يشربا الكاس اللى سقانا امرار

ونحن مسامى ... مو رباة خنانى ... نسموا ضنا ليبيا تريس حرار

عليه العطيبه... ماننزلوها عيبه... نزابوا انذال امثال شبه الفار

...لكن لزومى... يحضر المظلومى ... ويوفن حقوقمه ميش عيب انصار

مامن نقيه دنست بالسية ... منه ومن غيره انذال اكبار

وجميله قبلنا ... ربنا ردلنا... وندعوا بفضله..ايكمل المشوار

جميع من ظلمنا ... يونسا فى الدار

جابك الله واحصلت يابغــدادي يقولو العين بعين وانت البادي

جابك الله واحصلت يابغــدادي يقولو العين بعين وانت البادي

والله جابك