أمتى تبوا تطوروا واتحضروا...

أمتى تبوا تطوروا واتحضروا...أبوبكر العماري

نحن الشرارة لالالالا نحن الشرارة ..
أنتم طلعتو ا مسيرة مليونية مؤيده لالالالا هضوما مش من طرابلس من ضواحيها
وحتى انتم طلعتوا فى بنغازى والشرق كله لجان ثوريه وبصاصه كانوا

.. نحنا عندنا 2000 شهيد ... صح وحتى نحنا عندنا 3000 شهيد .
...
باهى من اول شهيد فى الثورة يا مفتح ؟؟؟؟
فلان من بنغازى
لالا فلان من البيضاء
تى علان من مصراته ..
... نحن دزينالكم سلاح فى الجرفات
مزبوط عندك الحق بس نحن مخلينش معمر يقسم لبلاد وقتلناه هو و ولده وقبضنا على كم راس كبير .
باهى من خش لباب العزيزيه هو الاول ...
نحن لالا نحنا لالالا وعلى الطلاق نحن واول شهيد منا عن شرط أسمه فلان الفلانى ...

تى امشى أسأل على برقه وتاريخ الجهاد وجدودنا ماتوا كلهم تحت الدبابات ومرحب بالجنة جت تدنى وانتم خونه
... ايه ايه حتى حنى جاهدنا وجدودنا جاهدوا وانتم كنتوا اتكشكوا لقريسيانى فى ميناء بنغازى وتقولوا مرحبتين بكازى روما من غيره ما فيش حكومه والا لا ترا انكرها هذى
تى باهى أين افرس ناس الزنتان ولا طرابلس ولا بنغازى ولا مصراته
أكيد نحن لا نحن لالالا نحن ...
السؤال اللى محيرنى انا شخصيا وندورله فى إجابه من زمان هو
:
:
:
:

:

:
:
:

:

:
أمتى تبوا تطوروا واتحضروا يا شعب الله الجاهل المتخلف العنصرى الجهوى القبلى يلى ماعندكم حتى مصنع صبابيط ... وباللهى أمتى ما تنووا تتحضروا وتمسكوا فى يدين بعضكم وتبنوا بلادكم الخاربة وتصافحوا حتى لا تغرق السفينة..