بيان ثوار بنغازى عن أحداث اليوم الجمعة 6 /7 /2012

الله اكبر .. الله اكبر .. فرحتني ربك ايفرح بفرحك - كان مازالت انسة - وحق ربي فرحتي لا توصف ..
نجيهم لنا يارب .. واحميهم لشبابهم .. ولاهلهم ولوطنهم ..
تسلمي ع الخبر الحلو ..

ايه مازلت انسه مشكووره انشالله الفرحه دووم

الله اكبر يا ليبيا
قلنا لمعمر وعيالة ليبيا فيها رجاله
شكرا شموخ على الاخبار الطيبة
غدا سيكون يوم الشموخ الليبي
الساعة الان 0145 ليلا المساجد فى حينا تكبر

ماشالله عليهم وربنا يحفظهم ان كانت ليبيا من اولويات اعمالهم
اما عن تجمع سرايا الثوار اللي ايترأسه بكذب الفلسطيني المجرم
واللجنه الامنيه السفلى هضوم يشتغلوا بتعليمات واوامر قطروشيخها
هضوم هم سبب بلاء ليبيا صدقوني وحطوا معاهم عيت الصللابي
حتى هم ماتنسوهم مالفاتحه ..ايلمعوا في ارواحهم..
لكن على مين يابوكذب ويابومعيرقه واسماعيل ياللي تبعث عن الاذاعات
عشااااااااااااان ايصوروا معاك...عرب بنغازي شاهدين عليكم وعاللي ايدير فيه
خوكم اسامه وكتيبته واللي لغاية توا مازال مانضمش لاي جهه بكتيبة القتله اللي معاه
شكـــــــــ ـــــــــــــرآ وبــــــــــــــــــــارك الله فيـــــــــــــــــــك

قول حق ايريد به باطل
البرعصي رحمه الله عليه مجهول من قتله وغدر بيه
وانا موش مع الفوضي في البلاد لكن كل من تم ذكرهم في البيان ماعدا درع ليبيا
الباقي كله مليشيات خارجه عن القانون اصلا ولديها مئات الملفات في القتل والتعذيب والسرقه والاغتيال
هضوما الي هدو علي الشرطه العسكريه وحرقوها وضربوها بالمدافع هضوما الي خشو علي البحث الجنائي وضربوة بالاسحله المتوسطه لانهم القو القبض علي قائد مليشيه منهم متلبس يسرق في منزل في حي الدولار وجابو الناس وصاحب الحوش متلبس وللاسف والفضيحه ايقولوله ياشيخ ولحيته لعند بطنه وحشا الشيوخ منه واتباع السلف الصالح منه
هضوما الي عدمو المقدم المصدور رحمه الله عليه تحت التعذيب وقالو لي اهله طابور خامس وبعد فترة طلعت الحقيقه في بنغازي بعترافهم شخصيا وانه من الرجاله الي تصدو لرتل بنغازي
هضوما الي باعو سيارت الجيش في مطروح و سوق الرابش في بنغازي هضوما الي فتحو تجارة اسلاح في العريش ونويبع في مصر تحت مسمي الجهاد في فلسطين واخيرا طلعت تجارة واموالهم كلها خارج البلاد وعلي رأس الهرم ابوكتف واسماعيل الصلابي والبرغثي
وكل الكلام الي نحكي فيه متاكد منه 100 % من ناس تخدم امعاهم شخصيا وفي الي منه شفته بعيني في بنغازي وتابعت المواضيع
ما ايغركم الكلام ليبيا يحميها ربي سبحانه وتعالي موش الصلابي او بوكتف

اللهم ولي أمورنا خيارنا ولا تولي أمورنا شرارنا
يارب يمشي بكرة على خير
قولوا امين

امين يارب

قولوا ان شاء الله خير
وبالنسبة لبنغازى طبعا فيها رجالة وفيها اخوات الرجالة وامهاتهم وبناتهم
وهذوم هلنا ونعرفوهم
ولايمكن يعطوا مجال للباطل
تفائلوا خير
وان شاء الله خير
الله اكبر

اللهم آمـــــــــــــــــــــين

اللهم احمى بلادنا

هكذا عهدنا ببنغازي وشبابها دائما في الطليعة لا يرضوا بالظلم غيورون علي البلاد دافعوا دونها في احلك الظروف ولا تمثلهم شرذمة ضالة همها بطونها ومصالحها الشخصية ...... اللهم احمي ليبيا حرة يسودها الأمن والآمان.......
شكرا شموخ