غير ضنـــــــــــــاها ياللى اليوم أمقصرين معاها

من طرف محمد اللافي 2012-07-12, 7:00 pm

غير ضنـــــــــــــاها
ياللى اليوم أمقصرين معاها
من جابكم للحكم
ليش نســــــــيتوا؟
وعهد الأمانة ليــش ماوفيتوا؟
... ياللـــــى خواطر واجدة بكيتوا
بيكم معاكـــــم داخلين متاهة
ليش ماتعبتوا ليـــش ماكديتوا؟
وليش الحبيبة ماسكين دواها؟
لييش ماسهرتوا ليش ماداويتوا؟
ووين فعلكم لما الظلام كساها؟
ياللى قهاير فوقنا حطيــــــــــــتوا
تقصيركم هاليوم شــــن معناها؟
بيدين من عروشها فكيـــــــــتوا؟
ومنهو نزف ياكيبـــــــــــــنا ورواها؟
ومنهو اللى ساعد صحيح النيتو؟
ولوحــــــــــــــــــة تحرر ليبيا حلاها
وكنكم عليــــــــش أحلامنا هديتوا؟
وليش الأبية زايدين عـــــــــــــــناها؟
وكيف وعليش وليـــــــــش ماحنيتوا؟
وليش ببرود أتحطـــــــــــــموا مبناها؟
ولما تعرت ليــــــــــــــــــش ماغطيتوا؟
وكنها الجريحـــــــــــــة كاثرين أعداها؟
وكنه عليــــــــــــش الجيش ماوتيتوا؟
ياللــــــــــــــــــى سكتوا رايدين بلاها
وليش المهــــــــــــــمة الصح ماأديتوا؟
ومنهو الضغيـــــــــــــــــــنة بينا دفاها؟
وكنــــــــــــــــــــه جريح بلادنا جافيتوا؟
ووين القضاء والعــــــــــــــــدل والنزاهة؟
ياهل ترى حســـــــــــــــــاباتكم دفيتوا؟
ومنهو شــــــــــــــــــــــفط أموالنا واراها
تونس خذت دروبها حقـــــــــــــــــــــيتوا
ومصر بخطاوى بادية ممـــــــــــــــشاها
كذب ودعاية وزور ماملــــــــــــــــــــيتوا؟
قيس الكراســـــــــــــــى الدافية محلاها