عندك فكره

من طرف **العاشق الصغير** 2012-07-17, 8:11 pm

يقول الشاعر

عندك فكره .. كيف مابكت عينى أفموتت ذكرى نبكي عليك اليوم .. عندك فكره .

عندك علم .. إللى واجعتني المرمدا والظلم

ياما أحلمت وعشت فيه الحلم .. أنك أتكوني من حلالي بكرا

عندك راي .. أتشوري عليا بيه يامشكاي

ماعاد عينى قابلا تلهاي .. ولاعاد راسي ينعدل من سكره

عندك حل .. أتجودي عليا بيه قبل إنمل

العيشه ركيكه لاسند لاهل .. ولاحد يفزعلي حياتي نكرا

عندك حيله .. أتفرج على قلبي أهموم ثقيله

ننسأ غلاك اوغيتك فى ليله .. ويصبح عليا صبح مشرق بكرا

عندك حلم .. إيهون عليا من سطير الألم

عانيت واجد مانفعني علم .. مطعون طعنت غدر فيها مكرا

عندك وهم .. بيعيه ليا بسعر أعلا سهم

مايهمنى أتقولي قليل الفهم .. المهم نهجر طيفكم والذكري

عندك فكره .. كيف مابكت عينى أفموتت ذكرى نبكي عليك اليوم .. عندك فكره .

م ن ق و ل