نعيم الزوى حى المجلس والا مات

من طرف **dude333** 2012-08-01, 11:15 pm

حى المجلس ولا مــات
ولا راقد فـــى غيبوبه
وين العوامــى شحــات
او (نجــاة) الزينه المحبوبه
لكناســه دارت جبهـات
وبنغـــازى تمــت مقلوبه
يكفى عانت فى مافات
وفى العهد البايد مشطوبه
لا قــــرار ولا رايــــات
ولا رينا ورقـــــه مكــتـوبه
مافى حاجـــه جديات
ولاحسبه نقولوا محسوبه
ياريـــت كلامى بالذات
بعـــد قلته ما فيه صعوبه
ايحلوا جرم التفجيرات
وقصــة تاورغـــاء المنكوبه
وننسو طارى السيارات
وموال الرخصـــه المضروبه
اولا فاتورة خــوذ وهات
ولا والى ايعبى فى جيوبه
وفى ناس ايطلوا مرات
معاها سلاح ألمن ؟ منسوبه
وفى ناس اخباث النيات
معــا الثـــــورة وهيا مطلوبه
وفى ناس اسماح الصفات
عليها حطيتــــوا العقــــوبه
خوفى ياخوفى هيهات
انكـــان بنينا طــوبه طـــوبه