شتاوات ليبيه صقع عليك

بدينا وقلنا بسم الله نقيموا العرس اللي جيناه

بعد مايهلب نص الليل يجدن علي العين مواويل

غفيتي هف عليك مناك قفزتي تحسابيه حداك

هدب عيونه وين رمشن رشاشات اغراض يرشن

قطاطيها ريم الجفال اغربه حامن فوق رمال

طير غلاي ركب مكسيما عاود لاوهامه القديمة

نرجاكم نا قاعد قاعد كان قسم صوب المتباعد

نار غلاك الله لاتبلي ثصهد كيف صهيد القبلي

نار غني ماحاجة خلت هي كبرت والريح تعلت

اللي محرمته خط بخط شبوبه ع الولاف سقط

اللي محرمته كيف رداه نعاهد نفسي ماننساه
....................
دوروابيها دوروا بيها........وانشاء الله السعد ايواتيها

يامبروك عليك اشبورك.......وانشاء الله تموري في سورك

ياماشي قول لراجلها.......كيف القنديل فتايلها

شبرناها بالجداد.........اجعن جيبتها غير اولاد

يام اصباع اتقول شماعي .......جيتي للحنه تداعي

مبروك اشبورك بالنيره .......يازوجة بوعين كبيره

مرت الغالي امشبره........اللي انلاقيه انخبره

مبروك الحنه في ايديك........لبستي اللبس ومار عليك

يامبروك عليك الحنه.........وانشاء الله الدنيا اتهنى

ياسلم بو عين كبيره.......حناياته اتقول مسيره

شتاوات اهل العريس يلا نبي تفاعل

الغالي ناويلك علي الراحه جايبلك حوش بمفتاحه

شكلك عاصلايا ديما حصلتي سمح التبسيمه

ويش قريتي ويش دعيتي نين في زول الغالي طقيتي

خلاص تواطن يالعيون الغالي درناله وشون

ويش قريتي من ايات حصلتي سمح الصيفات

امك جابتك ليله عيد اللي حصلتي هاصنديد

لابسين الكاط الخايل ماشيين لكل قبايل

اللي يجهلنا ينشد عنا نص السوق كراهب هلنا

هيا جيبــوها كنتنــــا .. بنحطو فيها حنتنا
..................................
ياتفاحه بين صواني ياخساره حازك باراني

ياتفاح اوراقه فوق ماملي ماشي في شوقه

نقنها ياعين مضره طلعتها من العيله بره

يالقديم اليوم ابهلنا تسكت تبكي ماتشغلنا

مبسوطين اليوم ابهلهم ماعاد غوالي نشغلهم

خديتوها مال وجمال مش خساره دفع المال

نحنا في العناد حشيشه نزلين الصقر ابريشه

قيسه بوه عليه امربح في العين السوده يصبح

وين عرفها بنت اصول جاها للمربوعة طول

لا نقال ولا رسالة جابه ميعاد الرجالة

حتى كان طلعتى برة..لنقنك حاجة اتورة.
...............
سلم باتي عابي بينا ...... داير حوش اتقول مدينة

حوشه بــوي إيــقـل العيـله ........ ولـو كان أحـرجـت أنـــوليله

مليانات ودايد منك لو تنساهن ماينسنك

الليلة ليلة حنايات ... وبكره عند عزيز إتبات

حوش كبير وفمه واسع .....راجاله يبنو علي التاسع

قولو بسم الله وخشو ...في حوش الزينين تمشو

دوري ياخيمة لافراح..دوري ماتخلي مطراح

أجعل ليلتنا نور ف نور ... زي طريقك ياجنزور

امرحب بظيوف الغالي....صدر الحوش الهم طوالي

أهو جي الغالي جي ... أهو جي والحوش ضوي

يامرحب بالغالي وامه...واخذين اللي تسمي

يالمتفرج عيب عليك ...شاركنا حتي بيديك

يالزرقاني امغير تهنا ...جبنالك نقراش الحنه

العيلة ناض عليها العون ... العيلة تبي حبة جون

افرح ياحوش ولاتهتز ....... الليلة عرس ولد العز

توحد لما تشوف الزين **** توحد ولا تاخذ بالعين