فيه وفيه ؟ ... البشر أنواع ....

من طرف ابن الباديه 2012-08-14, 12:13 am

ولد طبرق/كتب بالفيس يوك
(((( أنواع البشـــــــــــــــــر أثناء وبعد ثورة 17 فبراير )))
فيه اللى يدفع مــن جيبه ..... وتحـــــرير ابــلاده ايتمنـــى
وفيه اللى ماخــش كتيبه ..... وافلوسه فى حوشه جنى
وفيه اللى يحكى بالطيبه ..... والطيبـــه مبعــــدهـــا منه
وفيه اللى راضى ابنصيبه ...... خش الـنــار طلبهـا الجنــه
وفيه اللى بالسياأوعيبه ....... ضيع ثورتــــــــــــنا وتهنى

وفيه اللى مــــازال نحيبه ..... فاقـــــد ناس قريبـــــه منه

فيه اللى مقطوعــــــه يده.... واكراعه فالحــــرب بترها
وفيه اللى الجبهـــه ماعــدا .... ويحلف بنغــــــازى حررها
وفيه اللى بالحيـــل تغـــــدا .... وفيه اللى بطنه قطمرها
وفيه اللى دمعــه فى خده .... ويــــن الله واكبـــــر كبرها
وفيه اللى ماشى ايســـدا .... حتى والشقــــه صوقرها
وفيه اللى فى وقت الشده .... عدا للمـــــوت او صادرها

فيه اللى الثورة شــالاته .... ناض بعـــــد دق الناقوس
وفيه اللى سراق وجـاته .... فرصه بيش ايدير افلـوس
وفيه اللى ضحى بحياته .... بيش الضلم عليه ايدوس
وفيه اللى نـــزل دمعاته .... وهو كـذاب طلع جاسوس
وفيه اللى الدنيا غــراته .... القيناه معــانا منجــــوس
وفيه اللى باتـــن راياته .... فى فكر معمــــر مغطوس