مره مره يخطر علي ماضي القديم و جـــره

مره مره
يخطر علي ماضي القديم و جـــره

تسيل دمعتي مالعين تطلـــع بره
وينوض جرحي اللي حسبته مات

حكاية قديمة و انتهــــت بالمــــره
وقصة غريبة مـــوش كي لخـــرات

فيهـــا رفيق العمــــر و قته غــــره
خــــان الغــــــلا عــــدا بلا رايـــات

روحي عطيته وهو عطاني شــره
بدل معـــانــي الفـــــــرح بالسيات

سقيته العسل خالف سقانى مره
بانـــن عيــــونه معـــــاي خــــوانات

مني خـــــدا كل شي فيه مســره
ومنه خذيــــت القهـــــر و الأهــات

اليوم طيبتي انقلبت علي مضره
و أخســــرت حتى راحتي بالذات

هلي القيتـــه عـــــــار مــــــايتورا
و عنــــــده علي لـــذع الغلا لذات

حتى ان كان النفس عندي حره
مازلــــــت نا نبكي عليه مــــرات

تسلم اخى ستار