عاود علي ماضيك إلانا نسيتك والكيد كيد عليك خوذ السموح وعاود

من طرف **العاشق الصغير** 2012-09-29, 5:10 pm

>

لشاعر فرحات جمعه القاسي
عاود علي ماضيك الا نا نسيتك والكيد كيد عليك خوذ السموح وعاود علي ماضيك

عاود وعيش احلامك وخلي الماضي هو اللي قدامك ومعاد علي اتزيد فيه ملامك نفسي عزيزه ما ترد عليك

عيش بين جروحك وياما علي يريد يطول نوحك وستعيش في الدنيا امغير ابروحك وتبقى اتمنى اني نبحت فيك

توا عليك الدور تبكي حذاي وخاطرك مكسور وماعاد عليك نكون نا مجبور ولا عاد حياتي تكمل بيك ياما بكيت عليك

نحسابك الا تفطن اني غاليك وانتا الماضي مازال عايش فيك نهاية غلانا يا غالي كتبت البيت

ما بكيت عليه اللي خاني خانه اللي غاليه شغلني ولكن ما بكيت عليه

صحيح ظلمني ودار الخطا من غير ما يفهمني ابروحا ابروحا للجفا سلمني ومع هضا كله ما دعيت عليه

عطيتا ود نحسابه الغالي في غلاه ايعد لكن علي بالخيانه رد دور الخيانه ما نسامح فيه

عطيتا روح وعطيتا دموع وقلب فيه سموح وجيتا ونا كلي نزيف جروح اوهمت فيه نحساب الدواء في ايديه

اليوم يبكي يانه خاينينا من دارهم حبانه ويحساب روحه يرد فيه مكانه مكانه اللي في العقل غير اخلي

ما تهزني لحظة عليك ولا نقول كنتي الماضي ونكان في عمري اسنين سنعيشهن وبالي فاضي

ومازال الحال هو الحال وما تجيب لقسام راضي انسيتك خلاص انسيتك كي صعبت علي قسميتك

انسيتك خلاص انسيتك وللي تريديه خليتك انتي لي خنتيني وانتي اللي ارضيتي وهونتيني

وانتي عليك ماعاد ترايف عيني كي صار الخظا منك وجافيتيني ولاعاد في قلبي تكوني ذكره ترقق غراضي

ماعاد تبقي ذكره لا للزمان ولاعاد اليوم وبكره انسيتك خلاص ما عاد تبقي ذكره

وحق رب البيت كنت انتمنى كل يوم انجيك انعيش في احضانك وبين ايديك لاكن اتخوني ما رودتلي فكره

م ن ق و ل