الزاوية تسحب البساط الاحمر من تحت قدمى بوشاقور

الزاوية تسحب البساط الاحمر من تحت قدمى بوشاقور

بوشاقور فى فكر الساطور



يا طير خبرني علي مايدور .....في راس بو شاقور... وخلف المباني العالية والصور
خوذ راحتك يا طير ...نرجاك لين تجيبلي تقرير ... انشد علي شن صار في التغيير ...هاللي نراجو فيه لينا شهور... من يوم تم اعلان للتحرير ... اللي فيه خلّصنا علي المقبور ...واحني حالنا صاير اليوم عسير...قلة المال وخبز بالطابور
~****************************~
جيب الخبر عالكيب...وانشد علي ما صار من تغييب... لاصحاب الكفاءة و الصفاء و الطيب ....وتوظيف للازلام والطابور...خوه و ولد سيده وكل قريب ... حتي كان عنده فالدماغ ظمور ...وزيده علي هالكدر و التعذيب...لسلطات عُليا قال رُدو الشور ...لادار جيش ولا فرض تدريب ...ولا جاب شرطة منظمة ومرور ...ولافيه شي من ظم او تنسيب ... ثوار قعدة بالسلاح اتدور ...سلاح و كتايب كل يوم سريب ...تحلف اتقول الوضع في "لاهور"...حال المواطن في البلاد عطيب...وقلال هاللي حالهم ميسور ...ما اظن يقدر للسؤال يجيب... ايش قدمه لليبيا في شهور؟
~****************************~
خبّر علي التعليم...وافضح كوارث دارها نعيم ....واحكي علي التزوير و التعتيم...جملة مصايب اذهلت جمهور...وقع قرار الضم لتكميم.... الافواه حتي يكون ليه حظور...طرد ناس حرة ما رضت بالضيم ... الا ذنبها فضحت اللي مستور ... ينقط علي الطلاب بالمليم... مساكين قعدة في الشتات اتدور...طلبة بلاده عايشة ف جحيم ...و حضرة الغرياني لديه قصور ...
*****************************
اسال علي جبريل و.... انشد علي ماصار من تطبيل.... و قعقاع تحمي فيه صبح و ليل ... التخويف و الترهيب للجمهور...ياويل كل من يقربه يا ويل... موعود بالويلات و الثبور...قال خطتي رقية لك عليل... البلاد راهي بتزدهر في شهور ... كذاب ماعنده لنا تبديل...نفس المقرر دارسه المقبور ..........يكتمل
للشاعر :عبدالحكيم علي