غداً أحتمال توقيع قرار صرف منحة العيد 1000 دينار

عن قناة ليبيا الأحرار
تأجل قرار صرف منحة 1000 دينار ( إلى يراجو فيها موالة السعى ... بفروغ الصبر ) إلى يوم الغد 11-10 نظراً لأقتحام الجرحى مقر المؤتمر الوطنى ... اليوم

1000 حق حولي ... باطا باطا
كل شئ خير من لاشئ ... الخير جاي بإذن الله

السؤال هو هل توصل المكأفاة في الوقت المناسب للشعب الغلبان والا يستفيدوا منها التجار فقط برفع الاسعار اكثر واكثر

إن غدا لناظره بعيد ههههههههههه

تعرفو الكلام هذا يخلي حولي العيد يغلا وخلاص ...مانبوش فلوس نبو البلاد تصلح قبل

حتى الدجااج كويس,....ماله حاله الناس بتشري حولي والا دبش مدارس والا شنو والا شنو..
لنا الله ..

ياجماعه اولا راهو مازرهم عليها واللي عطلو العمليه هم المواطنين المظاهرة امتاع الجرحى اللي معش بروا بكل هما اللي أخرو القرار وبعدين ماطول عمرنا هكي راهو أصبحنا ماديين بكل والله راني موظف كحيان وماعندي مصدر رزق خاطي المرتب كيفي كيف الليبيين شوي صبر رانا ذهبنا شيرة الحكومة والمؤتمر الوطني والبلاد مازالت خايضة وياريت ايفكونا من جو المظاهرات والأعتصامات اللي عطلة مصالح البلاد الخير جاي نين تشبعوا وياخوفي نكفروا بنعمة ربي راهو مرات تحول للنقمة والصبر طيب

تعرفو الكلام هذا يخلي حولي العيد يغلا وخلاص ...مانبوش فلوس نبو البلاد تصلح قبل

التجار متكلبين اصلا ..

حتى الدجااج كويس

ليش لا ثم ان الرسول عيّد بعيدين واحد عن نفسه وواحد عن امته . مشكلتنا (انزابو في المخاضة بهز الرأس ) زي ما يقول المثل .. امضيقين علي ارواحنا .

الجرحى اللي معش بروا بكل

ههههههههههه صح.. كيف جريح له سنتين يا يصح يا يموت ..

راهو أصبحنا ماديين بكل

برضو صح

رانا ذهبنا شيرة الحكومة

ههههه والله صدق

وياخوفي نكفروا بنعمة

اكيد .. قال تعالي في سورة الانبياء( ونبلوكم بالشر والخير فتنة)

ياريتهم عطونا خرفان ولا عطونا فلوس هى هى التجار بخلو الخروف الكحيان المشفوط ب1000 دينار

المفروض يديروا حل للمؤتمر الوطني اللي ترقاله يمشي يخش عليه راهو مقر برلمان في الدول الاخرى خط حمر

المفروض يديروا حل للمؤتمر الوطني اللي ترقاله يمشي يخش عليه راهو مقر برلمان في الدول الاخرى خط حمر

والله يا ابن توكرة
شعب عاش في الفوضي 42 سنة كيف تبيه ينتظم في سنتين ... صعب
تبيلهم وما تعودوا الديمقراطية

والله صدق ياكابتن بس لازم الدوله تدير لروحها هيبه وعلى اول تهويبه بس وحق ربي ماعاد واحد يقرب منه مقر البرلمان

والله صدق ياكابتن بس لازم الدوله تدير لروحها هيبه وعلى اول تهويبه بس وحق ربي ماعاد واحد يقرب منه مقر البرلمان

ههههههههههه ممكن ... شكرا للتواصل

اغلق السوق على أرتفاع ... كبيرفى سوق المواشى عند 200 نقطه ....

المارد الاصغر ، الكابتن . راكم فرجتوا على قلبي والله هذا الكلام الصح .
مشكورين جدا .