الاحتفال ببنغازي بالذكرى الأولى لإعلان تحرير

من طرف عبدالله النيهوم 2012-10-23, 4:10 pm

عروض عسكرية للجيش الوطني
في الاحتفال بمدينة بنغازي
بالذكرى الأولى لإعلان تحرير ليبيا

الاحتفال ببنغازي بالذكرى الأولى لإعلان تحرير Dsc01947

نظم بمدينة بنغازي صباح اليوم الثلاثاء احتفال بالذكرى الأولى لإعلان تحرير ليبيا من نظام القمع الاستبدادي الذي عانى منه الشعب الليبي طيلة أربعة عقود من الزمن . وأقيم بمعسكر القوات الخاصة احتفال عسكري حضره رئيس الأركان العامة للجيش الليبي اللواء الركن " يوسف المنقوش " وأمراء أركان بعض القوات و قطاعات الجيش ، وعدد من كبار الضباط وأمراء كتائب الجيش ، وأهالي مدينة بنغازي . وتخلل الاحتفال تقديم عروض عسكرية رمزية لقوات الدفاع الجوي والقوات الخاصة ، والصاعقة ، والشرطة العسكرية ، والقيام بعمليات إنزال لرجال المظلات تحاكي عمليات فدائية لتحرير أسرى ورهائن وعمليات إخلاء للقوات بعد تنفيذها لعملية عسكرية . كما شهد الاحتفال استعراض لنسور الجو الليبي بطائرات ميغ 21 و23 ، وحاملات الجنود ، وإنزال بالقفز المضلي الحر .

خيرت الناس عربهــا ..... حشمت أفكل طاغوت بيخربهـا
بلا أمبالغة خيرت الناس عربهــــــــــــــــــــــا

هي الشــرارة ..... أسأل عليها الطاغية وأصغـــارة
... وأسأل أمريكا وين دارت غــارة .... طيار رد أوقال ما نضربهـــا
... هلها تريس أومن زمان عصــارة .... أسأل عليها الطاغية جربهـــا
جانا أبجيشه دمروه نصـــارة .... ربي حماها ما بلا يقربهـــــا
أوفيها نوادي النصر والجــزارة .... دم الشباب وطاتنا شربهـــا
ربايت الذايح دايمآ نــوارة .... قهرت الطاغي أوعيلته أيطربهــــا

بنغازي عظيمــــة ..... بوغصاص كانت لاه ديمـــــة
مايوم دارتله أهتمام أوقيمـــة .... أبتهميشته الهلها غبي دربهـــا
مالسبعين ثورتها قديمــــة .... لا تبيه لا هوة رغبهــــــا

بنغازي عروســــه .... أسأل البغدادي أوموسى كوســــه
والزاوية وأسأل جبل نافوســــه .... صبت المصراته أفعز كربهــــا
وأسأل العالم حركت ناموســـه .... شافوا الطاغي جاي وأبيضربهــــا
وأسأل أيش فيها قال عمر موســـه .... تهديد بنغازي العرب ريبهـــا
بنغازي مواقف ناسها ملموســــه .... علي ما رهبها ما أقدر يغصبهــــا

أشهر مدينة في ربوع الكـــون .... أوفي سوريا ساحة أسمت بيهــا
وأبأسمها قرار جاء معلــــون .... أوهي صقع عالطاغوت يوصل فيهـــا
في ليبيا هي قلبها الحنـــــون .... أتربيه كل ذايح غريب أيجيهــــا
خلت الطاغي في غضب مجنـــــون .... وين قال من أنتم أنجن أنسيهـــا
الكل ليبيا كانت سند أوعـــــون .... مصراته حضت بقصص تو تحكيهــــا
عمارت التأمين وين أتكــــون .... من خش نظفها أوبقا حاميهــــــا
والعاصمة من دار فيها لــــون .... لسلاح يشهد وأسألوا شاطيهـــــا
حتا أفجبلنا عندنا عربـــون .... أفنالوت وأفيفرن أوضواحيهــــــا
في كل موطن عندنا مدفــــون .... كل الأراضي دمنا راويهـــــا
علي أبلادنا موحال يوم أتهـــون .... بنغازي عظيمة فتشوا ماضيهــــا
أتقول دار ساركوزي أبها واشــــون .... جاء المحكمة مصر بيحييهـــــا
بنغازي حبيبتنا أوزها لعيـــــون .... اللي أيسوسها يفعل اللي ترضيهـــــا
مض ترقا فالقمر أتكــــون .... أفقلبي جميع المدن ما أتساويهــــــا
هي سيف ربي أفليبيا المسنــــون .... أمعمر بكا وين دمروا غازيهــــا
لو كنت مش منها أنتمنا أنكــــون .... لولي جربهــــــا
أسحا أتجرب يا جديد غضبهــــــــا

خيرت الناس عربهــــــا ...... حشمت أفكل طاغوت بيخربهــــــا