من قسوته نزل أدموع أوبامــــه

ياريت يبقا ساندي حلّامــــه .... من قسوته نزل أدموع أوبامــــه
أسهيت غفيـــت .... لاويني في حلم شين بديــــت

حيشان ضاربهن أعصار القيـــت .... أوكل حي للموته نصب أخيامــــه

وأمواج تجرف كل شي حقيـــت .... نحساب من يوم اللحساب علامــــه

الدنيا ظلام أبشمعتي ضويــــت .... ناس أوكراهب عايمين أعوامــــه

أولاويني ناصب أدموع بكيـــت .... أعداد الضحايا جاهلين أرقامــــه

أوبالعين نرقا كل ما عليـــت .... موجه أتجي لبراجهم هدامـــــه

أولاويني للي عظيم دعيـــت .... أيجير وطنا تبقا عمار أيامــــه

خذيته الليل جضيض وين أوعيـــت .... واقع القيته علم موش أدرامــــه
فزيت دغري عالجزيرة جيـــت .... أوبامه أدموعه ماليات أميامــــه
ياساندي ياريتـــك .... تميت حلّامه أوما حقيتــــك

يا ساندي للأمنين القيتــــك .... موت أوخراب كبير ريت أحطامـــه
يا ساندي نا معجزة سميتــــك .... اللي أيريد عبرة يجعلك قدامــــه

يا الله يا مالك الملك دعيتــــك .... مالشر تحفظ وطنا وأسلامــــه
وأنتمنه أيشاركوني باقي الشعراء كل حد علي فاهقه
تحياتي حازم الصبيحــــي

هههههههههههههههه حلووووو يا حلوووووووو

صح لسانه :)

وربي يحفظ بلادنا من الأعاصير والكوارث ..