ماهن ارباوة راحه

ماهن ارباوة راحه
الانظارالشقاءعاشن عليه فراحه *** وجلالهن برد

نشن مــــــــــــــــــــــن لول
على شى يسمى شقا وتهـــــــــول

اوغير المراره مالهن شى نـول
وين الفرج عبين على مفتاحه

ونزال ليلهن دون العباد مطول
ويزيد طول مابانن نجوم صباحه

مانشن بربايــــــــتـــــــه
لها فالمحنه والدلال ادمايـا

واخذات مركبهن على تخلايه
فوق الشطوط امكسرات الواحه

مغير مايباتن سامرات كبايا
امعا هالقهر حالتهن اتزيد سماحه

للــــى اتفوت من كرب الدهر نسايا
بها مايقضن عمرهن نواحه

وانكان قلت ماشاء الله طالن غايا
وقيس وضعهن يكتب الله صلاحه

شقاهن اسنين ايريح فالبرقايا
واطنين هو اطنين يرد فى مطراحه

اودوم سايقات المزن به جيايا
ضديد غاية القبطان والملاحه

موج ايتراقص فى وميد لوايا
قدامهن سراب احلامهن تزاحه

والله لو مشن للنيل يوم ضمايا
على قدوم جيتهن ايسير نزاحه

او لكن عللى رادبه مولايا
صابرات والصابر اينال ارباحه

مـــــا للسفر يقدر يسوق مطايا
انجت للمسافر نية الفلاحه

اولا نيتا تنبت بها روايا
اولا بها عقاير للعدا طواحـــــــــــه


الشاعر/ عمران القزون