موش حسس .... اللى بيك بيا يا رهيف الحس

من طرف **جمال المروج** 2013-03-10, 1:14 pm

موش حسس
اللى بيك بيا يا رهيف الحس
ان كان تنشدى ع الحال موش حسس
ماهى عله
ومانى اللى باريافكم نسلى
وحق من خلق وانشا العرش وظله
لالقيت جيره ولا بلاك ونس
ياولفتى عالى غلاك تعلى
ماينجحد ع الناس لا يندس
قهرنى اغيابك في دار مذله
ومن قبل ما يفصل الا النفس
الا تو مرهونين فى هالطله
والبعد غاير فى الكنين لمس
موش حسس
اللى بيك بيا يا رهيف الحس
ان كان تنشدى ع الحال
موش حسس