ايش خير من ود تصدق اشواقة

ايش خير من ود تصدق اشواقة
وجلسة رواقة
وجوب الخلا مع خيار الرفاقة

ايش خير من شق صحري خشينه
بطاوية متينة
علي قلب زينة
مسكت حنينه
امفيت مروحه تنوح نوح الحزينه
عليه وين ما جر نخضار عينه
اللي برتشاقة
علي رق ساقة
وخف انطلاقة
تجيبه وما طال يزمط ارياقة

ايش خير من شيل دامي اظفاره
غريم الحباره
منين ما تماره
وصرد انظاره
نطح ف القزاز هم همة اطياره
نظر ف السما حق كاظم ادباره
طوح ازقاقه
وفاج بمراقه
لحقه و ساقه
بكفه و جا ماسكه من اخناقه

ايش خير من هيف الجبل ف الشعايل
علي نبع سايل
شرابه زلايل
ومد الضلايل
منين برمن شايطات القوايل
اصدار في نفس موج داير هلايل
وراقة براقة
خفبف اصطفاقة
منين يتلاقة
بياضه يجي منخضر في زراقة