خطرو علي مالقيت غير اسامي

خطرو علي مالقيت غير اسامي
ورسايل اشواق ولوعتي وآلآمي

مالقيت غير رسايل
وذكرى حزينه مالزمان الزايل
وحبايب ابعاد اليوم ماني طايل
... بيناتنا ما قربنش قسامي

مالقيت غير وجايع
وماضي بعد فتناه كاين رايع
وصندوق وارد مالزمان الضايع
وصورة قديمة من قرار اعدامي
واعهود مالشاري وماللي بايع
وصفحات بيضة من خيال احلامي
وصفحات سوده واقعي وفجايع
منهن جريح القلب ديما دامي

خطرو علي مالقيت غير اسامي
ورسايل اشواق ولوعتي وآلآمي

مهناك غير امواير
واقع امخلط بموجعة وقهاير
من ثقل عقلي ماعرف شن صاير
من وقت ضرباته اتقول كمامي
من حاجات مجهولات كي النكاير
معرفت صيفتهن ومنهن كامي
وسبب زهوتي ميدوم ديما طاير
والياس واتيله بمنجل حامي
وصندوق واردي ظلم وكاين ناير
ينشد عليهم دوم رق اعزامي

مالقيت غير الجره
اللي خلفوها اغيابهم مامره
وغيابهم عالعقل راهو ضره
اللي يستاهلو التجبيد والتكرامي
اللي اغيابهم عالعين ياما حره
ايردولنا كانهم قروه كلامي

مالقيت مفيت تذكار
فالوارد اللي بيهم زمان عمار
الليط علينا اليوم هم خطار
مانبيعهم فالسوق باي اصوامي
ولاترخصوا مازال فيه اقدار
بيناتنا يا جواد يالكرامي
وغيابكم حوسلنا لافكار
اغياب مر ماينطاق رق اعزامي
ويريد صاحب عزم له صبار
موش كيفنا مايحملاش الحامي
وصلو عليهم جملة الاخيار