تصنيف الشاعر صالح بوعياد الشهيبي لليبيين

الشاعر : صالح بوعياد الشهيبي :-

ياليبيا ناسك نهار الشده ،،،، راه كل حد منهم خذا اتجاه .

 ياليبيا عندي لهم مسوده ،،،، فيها مسجل كل حد بسماه .

 فيهم اللي دونك وقف من جده ،،،، مايريد شي إلا لوجه الله .

 وفيهم اللي ﻻيعرق ﻻيتندى ،،،، ولا مستحي منك يريد اكراه .

 جايبه طمع سراق طالق يده ،،،، محلل جميع اللي تجي ياﻻه .

 وفيهم اللي ع الطاهرات تعدى ،،،، الله ينعله وأنعل اللي رباه .

 وفيهم اللي بهت إلقي ﻻبدا ،،،، افداك يندفع راسه وروس ضناه .

 وفيهم اللي يلغب رحيله عدا ،،،، مع درب من قبله مشوا اقرباه .

كرس وين ما قالوا كمل لمسدى ،،،، وجاء قال نا حاضر نهار سداه .

 وفيهم اللي صاحب صحيح موده ،،،، ترابك بدم الطاهرين رواه .

 دمه وقبله دم بوه وجده ،،،، تقول عطر ﻻ هب النسوم ثراه .

 وفيهم اللي ديمه مبرد خده ،،،، وإن جاء الكرب ديمه حاط ديه وراه

هدا الشاعر ماقال الا صدقا شكرا لك لنقلك الرائع

صح لسانك