عمرك سمعت الماس قالوا صدا

من طرف **dude333** 2013-09-04, 7:54 pm

عمرك سمعت الماس قالوا صدا .....
ولاّ الشمس زرقت في اوقات مساها .....
عمرك سمعت الزيت قالوا ندّا .....
ولاّ السبخه يوردوا عل ماها .....
عمرك سمعت الجبل ريح تهده .....
ولاّ عاصفه خمّد القش هواها .....
عمرك سمعت ظليم فوقه عده .....
الخيل هاربه و بفارسه في قفاها .....
عمرك سمعت غبار داوى فدّه .....
ولاّ قافله هابت نبيح جراها .....
عمرك سمعت السعف يذبح حدّه .....
ولا الجربه تعاود لمطلاها .....
عمرك سمعت اللفع فيه موده .....
ولا عناكب بيتها داراها .....
عمرك سمعت النذل قول يشده .....
ولا كريم الصايبة يخطاها .....
عمرك سمعت رجيل يلطم خده .....
ولا جبان الموت ما يخشاها .....
عمرك سمعت بارمله في العدة .....
عريس جاي قاري فاتحه و خذاها .....
مامن عجب ريناه في هالمده ......
العين كل شي تصدّقه خلاّها .....
ريت ام منقسمه جزاوي عدّه .....
و ماهمش بيها حاسّين ضناها .....
ريت نفط ماشي للعدو مودّه .....
يغذي بوارج مدنّا مرماها .....
ريت كم كلبً عاللحم يتغدى .....
و كم طفل كسرة خبز ما يلقاها .....
ريت اجتماع اكبارنا في الشده .....
كليمات للتنديد ملّيناها .....
كيف ما نصرت جيوشنا في الرده .....

انصرها و طهّر مالاوباش ثراها .....