لبارح بكت عينى وهاج بحرها

لبارح بكت عينى وهاج بحرها
عليها خطر ماضى عزيز قهرها
بكت مليوعة... وجابت سريب الى بعيد رجوعة
... فارق وهى من غيبتة مفجوعة
تركها شريدة بال ماعبرها
بكت منهاره
عليها خطر هلى بعيدة داره
عليه رايفت والقلب زادت ناره
شوق عا الدمع السخى جابرها
بكت فى اليله...
لا نجوم فيها لا قمر تشكيله

الله والنبي بالك ادير بصيره
غلاك لاعني والجرح زاد سطيره
دير دباره!
غلاك كادني ووحلت في مشواره
ونا قبل عقلي حاضرات اشواره
واليوم حايس حرت في تدبيره
الله والنبي تحسب حساب اقداره
وجبرت الخاطر خير من تكسيره