إعلانات المنتدي
المواضيع الأخيرة
بحـث
وفـّــر ملامــــك و النــــدم و بكــــــاك
2 مشترك
صفحة 1 من اصل 1
وفـّــر ملامــــك و النــــدم و بكــــــاك
2014.07.312014.07.31
هده القصيدة للشاعر محمد الممهور
تقول الأبيات
وفـّــر ملامــــك و النــــدم و بكــــــاك ..... فـي اللي مضى يحسـن الله عزاك
وفـّـــــر دمعــــــــــــــــــــــــــــــــــك ..... و عـوّد انظـارك ع الفراق و سمعـك
كنّــــا قمــــر ليلـــك و كنّـــا شمعـــــك ..... و كنّـا ليــا كثّــــح الريـــــــــح ذراك
من قصـر شبحـك من غبـاك و طمعـك ..... ريـت في السمـا غيمـه سكبتـه مـاك
ماعــاد يغرينــي صفــاك و لمعــــــك ..... وضـح معدنـك نوعه و بـان صـداك
و لاعــاد طرحــك ينفعـــك لا جمعــك ..... مـدروج فــي خانـة امـوات اسمـاك
وفـّــر ملامــــك و النــــدم و بكــــــاك ..... فـي اللي مضى يحسـن الله عزاك
دمعــــــــــــــــك وفـّـــــــــــــــــــــر ..... لا يهـزنـي لا عـن خطـــــاك يكفـّــــر
رصيـدك معايـــا فــي الغــرام اصّفـّر ..... متخالصيــن رانــا مـن زمـان سـلاك
مقطـوع بثّـي مـــن قـداك اشّفـّـــــر ..... تداويـت مـن جرحـك بقــل وفــــــاك
تلعــب تغـرّق فـي الحفيـــر تحفـّــــر ..... ليـن صـرت طايـح في حفيـرك هـاك
محطّـم و وجهـك في التـراب معفـّـر ..... اذّيبــل ورق وردك و راح شـــــذاك
بديت بعد جذبك ، في النفوس تنفـّر ..... خذيتــك بنيتــي ربنـــا كافــــــــــــاك
و نـا مـوش شامـت لا عليك نصفـّر ..... مغيـــر بـاب طقّيتــه جوابــه جــــاك
وفـّــر ملامــــك و النــــدم و بكــــــاك ..... فـي اللي مضى يحسـن الله عزاك
لا تجـــــــــي لا نجيــــــــــــــــــــك ..... و لا نريـد حتـى نسمعــــه طاريــــك
وفّـر دمـوع الكـذب فـي مـاقيـــــك ..... تلقاهــن انكـان ابعـدي غافـل جــاك
الا العيـب ما هـو فـي الغـلا لا فيـك ..... العيـب في عيـون تشوف فيك مـلاك
أيـام كنـت وردي كنـت عانـي بيـك ..... مـا حسبت يـوم تسـم لي لشـواك !!
بدّلتنـــي باللـي سعــــى يغريـــــــك ..... و وين مـا شرب عطـرك بعيـد رماك
شريـت بايعينـك بعـت مـن شاريـك ..... و اليوم جـاي بتصلّــح قزاز خطـاك
تحسابنـي مازلـت طـوع يديـــــــك ..... لعمـى الســـاذج لولـــــي هــــــذاك
لا و حق مـن كيـف القمـر ناشيــك ..... و دارك سبــب ضلـة عــرب نسّـاك
و جابك اصدافي ذبت فـي مياميـك ..... و دورك اللـي كيــف الحريـر كسـاك
و نظافــة جبين و خـد و تسهريــك ..... و لطفــك و تبسيمـة ورود شفـــاك
سبحان من جمع كل السماحه فيـك ..... لو كـان غير سوّى ظاهـرك جـوّاك
مـاشــي معـــــاك بنيّتــي نبيــــــك ..... و انـت علـى سـاس الغـــرر مبنـاك
و اخـذ الحـب بضحك و تسهويـك ..... مـا درت للخاطـر حسـاب معــــــاك
في وهـــم عيّشتـه حـرام عليــــك ..... خـش البحر عابـي على مرســـــــاك
مصـدوم خلّيتـه دهـــر يبكيــــــــك ..... و يشاكــي نجــوم الليــل بمهايــاك
و فــاق و رجـع للّـه مـا هـو ليـك ..... لقي الصبر خير من البكا و رجـاك
اعلـن توبتــه عـلاّ جـدار سميــــك ..... قفــل عالغــلا لا بــاب لا شبّــــــاك
فرحـان ما صدّق انجي و اخطيـك ..... بسـم خونتـك داوى سمــوم غــلاك
لاعـــد يجيبــه دمـــع لا تجدّيــــك ..... تعلّـم اقســي و انـــت استــاذه راك
بقـي من جرايـر لدغتــك هاذيــــك ..... يخاف مالرشـا يـا بـال مــن يــالاك
خطانــي و خلّي خاطـري ناسيــك ..... و وين مـا تبي يسـدد اللـه اخطـاك
وفـّــر ملامــــك و النــــدم و بكــــــاك ..... فـي اللي مضى يحسـن الله عزاك
عمران فرج المغوارى- نائب عريف
-
عدد المشاركات : 55
العمر : 40
رقم العضوية : 18529
قوة التقييم : 0
تاريخ التسجيل : 12/03/2013
رد: وفـّــر ملامــــك و النــــدم و بكــــــاك
صحيت
-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
رد: وفـّــر ملامــــك و النــــدم و بكــــــاك
صح ابدنك
امنور استار على المرور الرائع
امنور استار على المرور الرائع
عمران فرج المغوارى- نائب عريف
-
عدد المشاركات : 55
العمر : 40
رقم العضوية : 18529
قوة التقييم : 0
تاريخ التسجيل : 12/03/2013
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
أمس في 9:48 am من طرف STAR
» تضخم "البروستاتا" عند الرجال.. إليكم أبرز طرق العلاج والوقاية
أمس في 9:45 am من طرف STAR
» سلطة جبن الفيتا بالأفوكادو والحمص
أمس في 9:44 am من طرف STAR
» ميزات جديدة في "تيليجرام"
2024-04-30, 10:15 am من طرف STAR
» هل من الضروري غسل الأرز قبل طبخه؟
2024-04-30, 10:13 am من طرف STAR
» الصلاة علي رسول الله+الاستغفار+ذكر الشهادة+كفارة المجلس
2024-04-30, 10:10 am من طرف STAR
» نشاطات سياحية صيفية لا تفوت في مدينة بورصة التركية
2024-04-28, 9:56 am من طرف STAR
» مواصفات جبارة.. فيفو تبهر جمهورها بقدرات Vivo X100 Ultra
2024-04-28, 9:56 am من طرف STAR
» خطوات لسلامة طفلك عند تدريب السباحة
2024-04-28, 9:55 am من طرف STAR
» مضاعفات متعددة لقرحة المعدة.. هذه أسبابها
2024-04-28, 9:54 am من طرف STAR
» نصائح لحماية اليدين من الاسمرار خلال فصل الصيف
2024-04-28, 9:53 am من طرف STAR
» القصة الكاملة لمشادة صلاح وكلوب| أول رد من المدرب واللاعب.. تفاصيل جديدة
2024-04-28, 9:52 am من طرف STAR
» كيكة القرع والجزر
2024-04-28, 9:51 am من طرف STAR
» مباريات السبت 27/4/2024 وقنوات الناقلة
2024-04-27, 10:02 am من طرف STAR
» تتحول لقارب.. BYD تطلق سيارة مميزة يمكنها السباحة
2024-04-27, 10:01 am من طرف STAR