غناوي وشتاوى ع النسيان والزعل...... واللى عنده يزيد!!

ما عاد اهناك بعدها ينساني عزيز وراحته يجدها هذي والله تبقاء كاينه

انسيت الغلا وادمال بلا طبيب داوا جرحنا

شكراً لك على ما قدمت وبانتظار القادم منك واكيد القادم احلى

نسيانك مالبال ظليمة *** ياخاطر عالخاطر ديما
انسوني تناسيتهم ونسيت .. والنسو نساني اللي ماينتسو
ننساهم انظني خير*** مليت من امراجاه طولّت
ما تغفي نين اتقول ***ننساهم او توعا مرايفه
ارضيت بالجفا والياس ***انسيت ناس كانو امنايتي.
ماهناك كاينه كي هذي *** ينسونا ويزهوا ابغيرنا.

قديم انسيته قول عليش ,,, اللي ماتت ما عاد تعيش

قديم انسينا وانسيناه @ ايخطم كيف اعباد الله /ديما عزيز تحت ايديه @حتي كي انسيني ايريدني/ صاروخ يابومومن صقع

بعيد ياعزيز دناك @ والي بعيد بالحيل نسوتك /ننساك ياعزيز ايام @وانجيك موش مني مالغلا /برياه العين العقل @ شواتا اوهو الي ماهو اشوي

عاشور بوجازيه

في رايهن ونا في راي *** عالنسو ماوصاتي دورن

القيت وين مابهتت *** نسوة قديم ياما دونها

خليفه غيث

الصاعبه دواها نسو *** خلق الله من غادي الها

كيف نسيت كذا وريني ننسا كيفك ياناسيني
صبا لي وزير الياس نساني غلا مو برادتي
عزيز هو مذاق الريق ننساه فيت عقلي مو علي
نسيانك من البال ظليمة واخد قرعة نومى ديمة

انسيني الله اينسيه ... عزيز يوم ميته شهادته

مربوحه طريق النسوا ¤¤¤ انواتت امشوا فيها انتوا §
قطعت في طريق النسوا¤¤¤ مشوار زين لوما عيطو .
بكن ردنا من هاناك ¤¤¤ قطعنا بورا في نسواك .
امغير برد فينا مشوار¤¤¤ انريد انسوهن ماصار.
يالقديم طريق نسيتك ¤¤¤ فيها لاقدام القيتك.
للنسوا كي طريق لقطت ¤¤¤ جرت قديم فيها القيتا.

تجميع سليمان الخفيفي
زعلان خاطري عا الوقت ?? عاكس عليه ما يوم ساعدا
" عزيز ما عليه انهون ... ازعله غير وقت او يخذا "
مع تحيات طيب ليبيا

مامن هم اللى كامينة ساكت خايف من تشميتة

انت تدري عن غلاك
لو عيوني ما تراك
شاغل قلبي وعقلي
وكل احساس معاك

اول العمر راح ارياح .... تلافوا عقابه يا اقدم
داونى اخذوا فيا أجر ..... جارحينى قديمين يا اجدد
لنظار ضالمات العقل ..... فى واجد علي شان الاقدم
العين ياقديم ابعدك ..... نرمى ابها علي من قولي
شي ليله العقل ايروق .... خطوه ياقديمينه اشوي
ما ان شاالله بعد هالجري ..... إن بتت ياقديم الغيرنا
الخاطر سوق أقدم مزال ..... يتاجر فيه براس المال
الخاطر يالقديم مليت ..... مصاغ لغيرك ما خليت
جديــد يا قــديــم ايــريــد *** مكانــك ونـآ مابيتلـــه
علي قديم في شان ايش * في روحك وروحي اتقطمري
اتحدى كل من في الشوكة يرد على هذه الغناوة
على قديم نبى دمع دبرى * فيك فيك ما فيك دبرى

سمـــــوني قليـــــل خيـــر .... كــان ياغــوالي انسيتكـــــم

لو كان البكاء امنعوه *** انغدوا وين من ضيق علمنا

انهنيك خوي حسين
اخوك طيب ليبيا

وين الجديد ياعالم

حتى في المنام قديم ... ما طافت علينا نسوتا

نرجاه نار وننساه نار *** هى نار نار ننساه خيرلى

ننساه ماانموت عليه *** اللى ماعرف قيمه الغلا

قلي عزيز دار عذر *** وانسيني الله لا ايسامحه

طروك طرت نطري فيك .. نسيت قول ناسيك يا غني (عبدالكافي)
طروا طاريك طرت امعاك .. انسيت اني قايل ننساك ( سليمان )

KAKA كتب:سمـــــوني قليـــــل خيـــر .... كــان ياغــوالي انسيتكـــــم

لو كان البكاء امنعوه *** انغدوا وين من ضيق علمنا

جميل وهاك رد
كان البكية فيها قوله .. .. ضيق العلم ايش انديروله

يا عقل م القل زعلان ،،، ويا بخت لليوم مايل
ويـآ دمع لنظار سكبـآن ،،، علي فقد سمح النسايل
ويـآ اوساد بالدمع ريان ،،، علي هاللي فيه انتخايل
ويا قلب مالياس غلبان ،،، ما القيتلك شي حلايل
ويا حلم مالشوق ولهان ،،، وقتالك امرار العلايل
ويا جوف بالهم مليان ،،، وابقيت في الغلا قول قايل