قصيدة شايلينك وانتي اللي شياله تصحيح بو جلاوي ج2

نسخة مصححة من القصيدة المشهورة للشاعر إبراهيم بو جلاوي قام بتصحيحها ابنه الشاعر عبدالسلام بو جلاوي
الجزء الثاني من قصيدة #شايلينك_وانتي_اللي_شيّالة (مصححة):
يا مـشـــكــــــوره.. يا باهيـه ف الـشّول والمسـفـوره
مانك قـدا جـزّار بوساطوره.. وما يرقعوك الا بضرب حَباله
أجواد غير مـاتقري احروف السوره.. امعاك م الهلاليه اخْتوم عَدَاله
يا ما قطعتي بينهن من بوره.. م التاج والبها جبتى أولاد اهـلاله
مامَنَلِّي راحوا وراك اقبوره.. ركّابة اللي صافي حرير اجلاله
...
أيشـيل اخـشـومه.. حَشْوك معَا هبّة اريـاح نسومـــه
منين الفحل ســن الفروق الشومه.. وهي رياض فيها ركّبن جلّاله
بواكير طقوها رقت في الحومه.. الكوره معا لثنـين باستعجالـــه
تبقي اشواط ع الاصفر شديد الزومه.. اتقول صف صفاقه علـي حجالـه
...
يا خــــــــــــواره.. هالشي لو كارك ولانـك كــاره
شايلينك باحبال فـي سياره.. ايبدل الله الحال بأحسن حاله
يا حـوا مـع لـمراق لك نصـفاره.. حمرا اسفاح يرباد السبيب اجلالـه
واجده معـا لطـراف لك نبجاره.. وميلـه معـا لقدار لك نعدالــه
وتميح ع اليمين ولاورا ويساره.. عقـيق شعفتك للحُول مى نسّاله
يا نِيسـة الخالي عَـفِي نوّاره.. وسِيدك امعاك أيام فاضي باله
ولا تبكري ولانك اللي غرّاره.. عطّـانه إلى نـص النهار كمالـه
بـو تسعـطاشر عــين بو شنواره.. منين ما اسحب شور الحزام ابهاله
ثديانك اغلاظ وهــش فيد اسواره.. بورطل ميزانه ضبـح دلالـــه
وخشـت عـــلي خطّارها فطاره.. فـي رفـة اللي واسعـات ارجاله
فيهم اللي قرطع وخير ادباره.. ابليس ابـعده والقاسمـه تاتاله
وفيهم اللي مازال في تيّاره.. غطس اخنيسره ريت الصغير اهباله
...
مـــوش جــــــــزاها.. تقطيع روسها وتقطيع روس ظناها
قطاعة اخطوط النار وان مساها.. حيّادت اوخال الـنجع وان اوخاله
منين مالـفـت فرّغ اللي حاذاها.. نظـار الـفريـق ايحقها عنقاله
وصبّت اللي صافي حـرير ارداها.. اتصلها كما رنت جـرس ولاله
...
يا مــــردوعـــــــه.. يا منسّله م اللي اكــبار اضلوعه
مسنود غـــاربه ما تحق فيه اقطوعه.. ولا شاب من ضـلفة كتب نزّاله
ولا حط حبّاسه علي مرقوعه.. ولا كر من منهــل اطوال احباله
ولا مْـراد متّنّه برم بصـروعه.. ولا جَرْ سكّه للوطا هيّاله
اتقول كور ذيله تنظره د لّوعه.. منقار من حجاج اتخالطه نعزاله
اتقول سطل كافي فــوق م القبُّوعه.. وخرطوم ينسحب وتصير له نعداله
وان هاج حمر لاعند الـوطاه ابَّوْعَـه.. وان عارك ايصر وممسكه شنقاله
وان زوّم وراها وحايشا مدفوعه.. وهدّر يوعِّي النايمـين بطاله
وامّه زويليها علي المـطبوعه.. وحمرة كما تمرة اجراب غـزاله
ترطاب الوبر تخشان مي كــضّوعه.. اللي اوبيرها غفة ولــد مرساله
ان مدّت اخطاها في هَشاش اقطوعه.. خفافها اكبار مع رقيق ارماله
تحلف عليها بالعصا ملـيوعـه.. اتنوض بالثقيل لخـــفّها عداله
اديارها الغوط السمح والمقـطوعـه.. لها وطن ما ترضى بوطن بداله
عبسّا يجي مالعون في هيزوعه.. جاوي اطلق للصّالحــين ارجاله
العيشه بلاك املّحه طــــبّوعه.. كيف الطعام تخالـــطه البساله
واللي ينقتل تديه بالمـــدفوعـه.. انتي اتشجعي ما امعـاك شي ذلاله
يا جايبه بنت المليح الشــــوعه.. اعيون من تناخص لانظــر ختاله
أيام والزمان زمان فيها نوعه.. وطيتك ابعشرة لَقــط مى من ياله
واليوم يا كحيله منقلب ميضــوعه.. الشاتين جابـنـك من الدلاله
الحاج كان راجل كلمته مسموعـه.. وهان وينما دربل وشـــان خياله
#المرحوم_إبراهيم_بوجلاوي

شكرا ع الطرح