اربات عز من خلفت اجواد ظهرنه ...للشاعر : الشيخي

اربات عز من خلفت اجواد ظهرنه ... واتراب وطنه يشهد على مادرنه

لنا جـــــــــــــــــره ... ميش غابية فى وطن واسع بره
وفيكم اللى حاضر ومايتوره ... وفيكم اللى سامع عليه خبرنه
ايامن وهى كانت العيشه مره ... ايام الجهاد امجادنا سطرنه
على سابقات امدربه منحره ... ابها نحدروا بحرابنا ودقرنه
وكم يوم متلهلب وراقى حره ... حاضرين فيه امسجلين فخرنه
وكم غزى جا كافى علينا شره... ابقو عزمنا وايمانا انتصرنه
فرسان حرب لوعاد الزمان الكره ... انديروا اللى داره سبيب اعمرنا

لنا قـــــــــــيمه ... ولنا عنا بالصايبه السليمــــــه
ولنا امواقف فى سنين قديمه ... مرت ابها كل العرب تذكرنه
ما نلهدوا على الجاشره الغشيمه ... اللى تشطر المشوار فيها حرنه
احنا اركوبنا على الخايله السقيمه ... اللى اتنوض فى يوم البلا منطرنه
اتجيبهن امفاتيح النعال هشيمه ... هناك وين ماثار الرقيق اغبرنـــه

لنـــــــــــــا هيبه ... ولنا على مر الزمان دريبه
انجانه الظيف بكل طرح وطيبه ... انلاقوا وما بسوالنا بدرنه
ويقيم بينا لامنقده لاغيبه ... اصحاب قدر نزابوا عليه اكبرنه
ونرعوا العيب ونحملوا فى العيبه ... انجت من قليل العرف ما تجبرنه
على ردها ما ننزلوا العطيبه ... جناح صقر متفلى نقى مظهرنه
ونيانا على لون الحليب وطيبه ... ولنا احترام الكل من جاورنه
ونقانوا على ثقل الحمول صليبه ... شيل على الدبر ما عمر بيه اعثرنه

انضاف النيـــــــــه ... ماننزلوا على الخاويه الوطيه
نزالت الدار الواسعه العفيه ... اللى تتقى فى مالنا وبشرنه
عليها ايام الحرب كم سريه ... من رووس الرجال افدا الها حدرنه
تنادوا امعا جملة ضنا بيتيه ... فوق من السبيب احرابهم منقرنه
رووها ابدم ارواحهم الزكيه ... اللى جبد ذكراهم اليوم غمرنه
عبيره الطيب وبنتا النقيه ... ايجلى دراه اكبودنا وجضرنه
بهم نفتخر دوبين عينى حيه ... انظاف درب بخطانا وراهم سرنه
اللى خلفوا فى دولت الفاشيه ... امواير اجيال اجيالهم تذكرنه

لنــــــــــــا كفـه ... ما عمر تقليب الزمان حرفه
اولا صفنا بين الصفوف تخفه ... انجوا فى اوله ماعمرنا وخرنه
وهل بيت مترادع وسيع الرفه ... اتقول قصر مبنى يقصده خاطرنه
ونثارت رصاصتنا اتصيب هدفه ... وين ماعلى ذبانته صفرنه
وركابة الكوت اللى منين ايهفه ... سيده ابلذع اركاب يشكع قرنه
ايعدن اقند ديره .. يشابه زفه ...امطار جور تكنس فى الوطا منقرنه
وهل شيخ له مبدا انعاهد وفه ... شريف اصل مجاهد شهير شهرنه

بارك الله فيك و في قلمك المبدع

ولك مني أجمل تحيه

بارك الله فيك خوى وان شاالله ديمه تمتعنا بالقوى المفيد المعبر عن تراثنا الاصيل وتاريخنا المجيد تاريخ ناسنا اللى سطروه بالنخوه والرجوله والصيت الطيب ومنووووووووووووور ياغالى مره اخرى