السهل الممتنع 2 (جيب اله حاسبه )

ثلاث اشخاص لمو 30 دينار كل واحد جاب 10 و عدو يبو يشرو كوره جو للدكان عطو الفلوس للراجل عطاهم الكوره وردلهم 5 دينار صرفوهن وخذا كل واحد دينار وزادن 2 دينار
هكي كل واحد دفع 10 وردله دينار يعني كل واحد دافع 9 دينار صح امعايا انتو فالكلام هضا . تمام
9+9+9=27 متفقين صح
كم مازال من 5 الي ردهن صاحب الدكان كان تذكرو 2 صح
27+2=29
في دينار رايح وين

مشكور خوى محمد اللافي

العفو يا خوي ادريس

ههههههههههههههههههههه
مشكور

العفو ستار بس الدينار ما زال رايح يا خو

اخى محمد اولا مشكور جدا على ما قدمت
وثانيا الكوره حقها 25 دينار
وهم 3 اشخاص وكل واحد اخذ دينار يبقى المجموع =28
الباقى 2 دينار
ما فيش دينار رايح

اخى محمد زى ماقال فرج انت الى رايح موش الدينار خخخخخخخخ
اقلب العكه الكوره ب 25 دينار موش ب 30

فرج وبوفرقه كلامكم صح بس بطريقت احسابكم بس لو حسبتوها نفس ما حسبتها انا يطلع في دينار رايح لو في طريقتي غلط قولي
الجماعه دفعو 10 وكل واحد رله دينار يعني كل واحد من الثلاثه دفع 9 صح 3*9=27 صح 27+2=29
مازال رايح يا جماعه خخخخخخخخخخخخخخخخ

أنا عندي الحل

الكره مبيوعه ب 30 دينار
قيمة الكره27 دينارلأن الأن الكره ب 25 دينار والفائض 2دينار يعتبر 25 +2 من قيمة المشترى
الاصلي + 3 دينار المسترجعه المجموع 30 دينار

لاتحسبون الدينارين المسترجعه لأنها من قيمة مشتريات الكره والفائض من قيمة البضاعه


هذا اللغز خداع لغوي فقط ...مشكور باش مهندس محمد...والكلام هذا قالا لى خالى قوقل

خوي بوفرقه قول لي خالك قوقل راهو ما فيش حاجه اسمها غلط لغوي في عالم الرياضيات والحل الي قلته صح ولي قاله فرج صح والي قاله خالك صح وليش اتعب في خالك تقدر اتقولي 5+25=30 او اتقولي 3/5 = 1.6667بعد التقريب= 1.7 بعد انردوهن للجماعه يقعد كل واحد دافع 10-1.7=8.3 مجموع المدفوع =8.3*3= 24.9 بعد التقريب 25 حتي هضا حل للمسأله بس مازال ما قلتليش وين الغلط الي في طريقت حسابي الاوله للمسأله ولو حتي كان لغوي ونعاود انقولك ما فيش شي اسمه غلط لغوي في الرياضيات
حاول حاول مازال فيك الخير

ياراجل مافيهش لاتقريب ولا فيه شى انت بالشكل هذا عقدتا بلكل ياباش مهندش

تو انرد على خالى قوقل اوننشده مره اخرى...ونرد عليك