ع لوهام ...اقرب جاى العين اتريدك

تذكير بمساهمة فاتح الموضوع :

اناكن تباوعهن لوهام....العقل ايطير فية ارمام

انكمل عمرى فى لوهام...بعدكم يالولاف حرام

انذوح فى اوهام اقدم...انقول هنا ياما جيتم

عرفتا يا لوهام القيس.... انجيكن حتى بالتلميس

الهن يا قلة بكيات.... أوهام عزيز المنسيات

تقديعك علي لوهام... بلا نصيب ياعين تجهلي

نحســـــابكن الا كي قبل ** شــــقّيت يا مواهيم شـوركن

امنين مانشيل انظرى .. نلقى اوهام تستاهل ابكا

كان قدعتى م الوهام ....مغير ينجن فيك اقسام

وين نجى لوهامه نبره **** لكن مشكلتى فى العبره

وين انريد انلج انظارى **** لوهام يمينى او يسارى

على حالتكن يالوهام *** العين رعدها مسع زام

العين بين لمواهيم اقعدت.... لا اهدوب ولا نظر

لوهام كى جنين الكبد.... مشغال غيرهن ما عندنا

عطبك عالعين ادهويرة*** اتريد علم طاحت في سيرة

اتذوح في اوهام اعزاز...اتقول هنا ياما جيتم

خوالى وفيهن دـــوج ... بلا عزيز لوهام سوتهن

رديت لورا او بكيت ... تخيلت خلا دارهم علي

ان قلت يا العين اوهام... اتقول لوذ بي فيهن شوي
**************************************
نغيبوا اشوي ونجوهن**شاغلاتنا شغلة بنات لبوهن**اوهام دارهم

شوي وان جينا**يبقى تقول الوعد راكب فينا
بعيد ع المخطّم ناخذوا تركينه**علينا حقوق بدمعنا نعطوهن
عارف العارف ما يبكّي فينا**ايام الزها باقي الزمان عدوهن

خوالى وفيهن دـــوج ... بلا عزيز لوهام سوتهن

هذين امواهيما ياعين الي حازوه النقارين

وصاني علي لوهام فزع قديم كي صار الخطا

ع الوهام بكرتن بدري وين اتريدن لستو ادري

لوهام كي عليهن تقت اعلي انفسي والعين رقرقت

بالركن واخذه لوهام ** لي اللي احردت لا غابت عند

مانبكو الا فيهن عطيت عهد لمواهيمهم

عدن ايام لمواهيم @وايامهم اقدم وايامنا

ع الوهام بكرتي بدري وين اتريدي لاستو ادري

عدن يالقديم ايامك@وايامي وايام اوهامك

العين في اوهام عزيز حوسة خبيط بيد بايره

مانبكو الا فيهن عطيت عهد لمواهيمهم

ملّيت من خلا لوهام ... وتقدر تقول حتى مالبكا

عزيز تاهميني باعزم نين لوهاما انجي

بوعزيزة : من دون وعي شور اوهام ... نوقض القيت روحي بينهن

علي اوهام عيت قديم ... اعزوم درت غير ماطولن

الي ضرتنا نا وقديم يلمن فينا لمواهيم

اللي ضرتني ناوقديم جيرتنا تمت لمواهيم

خيال تاق في لوهام @ حقيت واختفى وين عالنظر

تباكن ان فيكن دمع شقيتهن امواهيم القدم

كان اهناك ادموع تباكن لمواهيم اقدم جبناكن

لوهام كي جنين الكبد مشغال غيرهن ماعندنا

امواهيم يالي عقبت وسع عليك دنيا واخره

ايقول هنا كان وكان خبير لمواهيم ضرني

حتى وهن امغير اوهام نستانس بعد شورهن انجي

لوهام يالعين اوهام لوكانن دواء ماسمين

أوهامهم اللـى أهلبـوك أيجيك يوم وتموت بينهـن

عامد شور اوهام غوالي والنهاي وراي ايشالاي

العاشق الصغير

لوها يالعين اوهام لوكانن دواء ماسمين

الله الله يالوهام كانو فيكن اعزاز وباعدو

لوهام يالي عقبت وســــــــــــــــــــــع عليك دنيا واخره

لوهام يالي عقبت وسع عليك دنيا واخره

لوهام يا عزيز بعدك ,,, خوالي ونا ما خطيتهن

لوهام كي جنين الكبد مشغال غيرهن ماعندنا