عليك مدار

يادار يادارن عليك مدار.*.*.*.*.*. الانظار وين ما منك مشوا الكبار
يادار يادارن بكا شلاد .*.*.*.*.*. الانظار وين ما منك مشوا الرياد
أضايق سماهن لين حزنه ساد .*.*.*.*.* وأنهمرن ودارن بصر مايندار
وجا م المواقي دمعهن بداد .*.*.*.*.*. سفوت أرجاع أمصيمه القرار
علي اللي كانوا طعمة الميعاد.*.*.*.*.*. وعدادة ملام اللي شكا بقهار
عطاهم الله قنوة عزوم أشداد .*.*.*.*.أبعاد النظر مو قصدشي لفخار
بلاهم حياتي عمها النكاد .*.*.*.* ورقن عزامي نااللي صبار
يادار يادارن نهار أيشيب .*.*.*.*. لنظار وينما منك نباهم غيب
سماح السهاري والوجاب الطيب .*.*.*.*. وردادة العايب كان صار حقار
نشكرهم وماوالي علي أيعيب .*.*.*.*. وجميع مانقوله صدق في اللي صار
وفارس يقولوا في القبيلة أيهيب .*.*.*.*. والصيت يبقي ويقصرن الاعمار
يادار يادارن اللي كداني .*.*.*.*. الانظار وينما منك مشو حباني
اللي قبل كانوا ماليين مكاني .*.*.*.*. وليا حما ماكنت شي نحتار
أطوال العنا علي بعيد وداني .*.*.*.*. وهيف وذار اللي حذاهم جار
غير علي الدنيا زهاها فاني .*.*.*.*.*. أن مالت أتخلي العامرات دمار
يادار يادارنه .*.*.*.*.*.*. مدار شين كي عزك كدا لقينه
نفد صبرهن والدمع ماعننه .*.*.*.*.*. سالن قباله في الوهام أجهار
تسوتيهك وخلوك مر ماحملنه .*.*.*.*.*. وقهرهن وباتن م الصغا سمار
غياب من رفقهم عز ماأتمناه .*.*.*.*. فيا وفيك أمبينين عوار
ماتقول كانوا لامعاهم كنا .*.*.*.*.*. اللي اليوم ياهم في الحياة تذكار
يادار يادارن اللي موحال .*.*.*.*.*. الانظار وينما منك مشوا عقال
نياسة الخايف كان ضاق الحال .*.*.*.*.*. بيناتم يلقا حرم وأقدار
أجواد في الرخا والاسنين أكلال .*.*.*.*. بيوتهم ملفا دوم للخطار
بلاهم صراحة ما أهديلي بال .*.*.*.*. ديمه عليهم سايله الانظار
عدوا وخلولي مفيت أطلال .*.*.*.*.*. فيهن نحوس وشاردة الافكار
يادار مدار قهرهن .*.*.*.*.*. الانظار وينما خلوك اليوم سعرهن
أرتعبن وحاسن لين هاج بحرهن .*.*.*.*. وباتن فواهق موحشات أصدار
علي يطلقن بلحيل ياموعرهن .*.*.*.*. في وسط قلبي مخلفات أثار
واوهام متطاول معاي جضرهن .*.*.*.*. ماتقول راعن في الزمان عمار
خلين وتما يرعبك منظرهن .*.*.*.*.*. الدايم الله ياغيبة الجسار

للشاعر الصالحين بوشليف /قمينس

ماتقول كانوا لامعاهم كنا .*.*.*.*.*. اللي اليوم ياهم في الحياة تذكار
جميله جميله
قصيده اكثر من رائعه يسلم من قالها ويسلم من كتبها ونقلها بارك الله فيك اختي

مشاركه رائعه

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل