الي المشرف العام

اخي المشرف العام
بعد التحيه
(معلش ممكن نشرح بلعاميه علي شان انوصلك وجهه نظري )
انا في الفتره الي فاتت كنت في العمل وكنت عادتا نفتح في المنتدي علي شان انشوف الاخبار ونقدم الموضيع والمساهمات وديما ايكون جنبي اصحابي وزملائي في العمل وديما قدامهم انتفاخر بالمنتدي ونشرحلهم عليه وعلي اهميته بالنسبه لنا نحنا عيت ارفاد الي بره التميمي ونقلهم صقع عليكم الفكره هذي مادرهاش حد قبلنا . لانه بينا ابصاره ديما يلبسو فيا جماعة طرابلس . بنغازي . البيضاء يعني الشباب الي عايشين في المدن ويقولو انتو قرويه .
المهم صدعتلك راسك صح
في يوم كان واحد منهم قاعد جنبي وانا فاتح المنتدي يبي يلبسني هو اشوي قال
( معقوله شوف الاسم منتدي عيت ارفاد التميمي شوف الاسلوب القروري )
انا لما فكرت فالموضوع وجدت اني امعه في الراي هذي بيني وبين نفسي مقلتاش له
انا وصلتلك اقتراحي وشوف انت
يعني زي ( منتدي ال رفاد )

شكراً أخي حميد فكرتك وصلت ..
نعم نحن قرويين ما العيب في ذلك ، ولكن الانسان ليس بمكان سكناه بل بأخلاقه وتصرفاته واحترامه للناس ولانستاء من كوننا قرويين هكذا عشنا وهذه طبيعتنا .
نعم نحن لعيت ارفاد وهكذا اسمنا عيت ارفاد ولم اسمع احد يقول آل ارفاد ، صحيح ان في اللغة العربية الفصحي آل تعني أهل أو قبيلة ولكننا نريد انفسنا علي طبيعتنا وبدون تكليف ولا يهم العنوان فالمحتوي أهم .
نعم نحن مستقلون ولا نتأثر برأي الآخرين، قد كانت فكرتنا هذا الاسم وسيظل ان شاء الله كذلك والطبع يغلب التطبع فلا يجوز ان نسميه( آل ارفاد ) ومن الداخل تكون العناوين ازقبو في ال300 او (مصار عند عيت فلان ) ..
يا اخي حميد ان ارضاء كافة الناس غاية لا تدرك وامنية بعيدة المنال فهؤلاء الشباب اصدقاءك وإن كان كلامهم معك من باب الهزل ،الا انهم ربما تغلغلت الغيرة في انفسهم لعدم امتلاك قبيلتهم منتدي او فكرة مشابهه ومتي حدث ذلك أصبح النقد الهدام أكثر من البنّاء بدليل عدم تقديرهم للموقع لانه ليس لديهم . فهل قالوا لك يوماً انه فكرة ممتازة ... أكيد لا .
تحياتي وشكراً

اخي عبد الحميد اللي يركب فوق الجمل مايغطيش راسه .نعم اسم منتدانا عيت ارفاد و مافيش مشكله من وجهة نظري و انقولك معلومه اتقولها الهم
نحن تكفينا شهادة طه حسين ويوسف ادريس "اهل برقه هم افصح من ينطق اللغه العربيه"

أنا راي مع أخي المشرف في جميع الكلام اللي قاله ..وأن اجمل ما في المنتدي اسمة
[ عيت أرفاد ]

ياشباب ماتخلوش يشعربالذنب هي وجهه نظري فقط

وجهة نظرك يااخي ممتازه
انا مريت بنفس اللي مريت بيه
اسم المنتدي صح بالعاميه
بس لما تصفحه ايغطي علي اسمه
فيه اشياء مش موجوده
بمنتديات بعض الكليات الليبيه
مثل منتديات كليات طبرق
ومنتديات شباب البيضاء
اني معك بأسم المنتدي انه
نادر اول مره يتوفر
علي المنتديات
بس اميز المنتدي
عن غيره ..