العين بالعين

ردنا علي قصائد جارحة من شعراء ورفلة ومن مبدئ العين بالعين و السن بسن والبادئ اضلم ألفت هذه القصيدة



انكان صيتكم فوق السحاب تعلا ... نحنا صيتنا راه القمر واصلا


ان يرقا سماوي ..... مازال قدامه مطبات وعلاوي
ولا البومة اطول مركاز بوجلاوي1 ..... ولا هو عليه في يوم يتخلا
ولاالصيت جابنا شعر وحكاوي .... الصيت كاتبا تاريخ ماضي ولا
تاريخ موش تلفيق وهجاوي ... ولو لغز يصعب عالبنادم حلا
تاريخ انكتب والبخش2 داوي ....ايامن وليبيا ملعدا محتلا
الي صنبها3 من دماهم راوي .... الي ف البا راضعين الملا
الي دفنوا فيها زداوي4 ..... الي الفاشي5 جرعوه الذله

الي ان جتم نزالا ... طليبها ايوخر حاسب الرجالا
رجالا وماهم الي من يالا ... تاريخم ايشرف ماتشوبا زلا

لي انجاهم ضايف .... ماعد علي ناسا ف يوم ايرايف
أو واجد الي جانا حزين وخايف .... وميعد امعانا وطنا في ضلا
سبحانا الي كانوا زمان صرايف ... اليوم صيتم ماعاد حد يوصلا
نضحك ونبكي عالكلام الهايف ... المالكي انكان ماكذب يسلا

المالكي عليه اللوم ... وامتي وين تميتوا اخشوم
انتوا قداكم هلي ايحوم ... وكال الرمايم ياعرب ورفله
وراهوا كلامي مالا لزوم ...امغير لازبد الصادقة تجلا

لازبد انقولا .... لا تسير لاهي فالحياه معقولا
اتريدوا البس6 يبقا ملفحولا .... نلقانكم ضالين ملا ضلا

مايتخطا ..... صيتكم صيت عالشمس غطا
وراهو الحر ماطولا بطا ... وقبلن العقدة فكروا فالحلا


1- الفاشي = الايطالي

2- بوجلاوي = الصقر
3- البخش= الرصاص
4- صنبها = حيطها او حجارتها
5- زداوي= مجموعات

مشكور واجد اخى الكريم على ما طرحت