غناوه رائعه

من طرف عبدالله خليفه العريفى 2010-06-20, 10:16 pm

للغناى عبدالكافى البرعصى
ظلام وعجاج ودمع..خلطن مافرزت اوهامهم
((عجاج ودمع وفيه ظلام..خليطه مانفرز لوهام))

من طرف **STAR** 2010-06-20, 10:22 pm

عزاكن عليه ادمــــــوع ... عــــــزيز يا ملاويع الغلا

من طرف محمد اللافي 2010-06-20, 10:27 pm

ماعليش هذي اروع ههههههههههههه لعبد الكافي
وتقول الغناوة : كماه ذيبله رداه اجحده صاف شاكابه اوحل
فعلا كان اسطوره فالعلم الله يرحمه

من طرف عبدالله خليفه العريفى 2010-06-20, 10:37 pm

تحيه طيبه اخى العزيز كما يقال(( لولا اختلاف الاذواق لبارة السلع))الغناوه التى ذكرتها انت جدا جميله ولكن قد يكون للجمال الوان مختلفه تراها عيون مختلفه وكل منها تعبر على طريقتها اشكر متابعتك واتمنى ان اجد ردا منك على كل ما اكتبه ويعطيك الصحه وادام الله التواصل بيننا

من طرف **STAR** 2010-06-20, 10:42 pm

مشكور اخى الفاضل
والاختلاف فى الرأى لايفسد للود قضية

ومشكور يا غالى على المشاركات الجد قيمة منك

من طرف دلع ليبيا 2010-06-20, 10:50 pm

مشكور ياخوي على الغناوة

فعلا رائعة

من طرف عبدالله خليفه العريفى 2010-06-20, 11:09 pm

اشكرك اخى العزيز star او (نجم) واثمن عالياَ متابعاتك التى بكل تأكيد لها الوقع الكبير فى نفسى وتترك الاثر الطيب وكل من يتابع سواء بالنقد او الثناء يسعدنى ويثلج صدرى انه متابع لما اكتب ويشرفنى ان استمع له بكل رحابة صدر وارياحيه ،،،

من طرف محمد اللافي 2010-06-20, 11:12 pm

خوي عبدالله راهي موش اكثر من تغيرت جوي وهدرزه وتوسيع خاطر ولا في اختلاف في رأي ولاشي ههههههههههههههه كيف ماقتلك تغير جو موش اكثر
ومازال ما شفت شي من الهدرزه هههههههههههههههههه
ان شاء الله معرفه خير ومرحبتين بيك بين خوتك وناسك
وان شاء الله انكون من متابعين مواضيعك
وهذي غنواه لعبدالكافي بالمناسبه

من قبل ما عزيز ايطيب ... مطيرة الغلا دار بيعها "

من طرف عبدالله خليفه العريفى 2010-06-20, 11:19 pm

اخى الفاضا ثق اننى لم انزعج وثق بأن كل ماحصل هو رد على ماكتبت وانت بدون مجامله كان كلامك مقنع لانه يعبر عن رأيك واحترم رايك كما احترمك والاهم من هذا كله هو اننى تحصلت على غناوه جديد بعد (دغدغة عواطفك) اشكرك واحييك واحترمك اخوك العريفى

من طرف **STAR** 2010-06-20, 11:22 pm

مرحبا بيكم وفكونا من الزعل وما ادراك خلونا حبايب وجو حلو وهدرزة
يا غوالى

من طرف محمد اللافي 2010-06-20, 11:28 pm

امنور خوي عبدالله ونزيدك هذي لعبد الكافي :

عليك كبد دارو ناس .. يلى الكبد مايوم درته

من طرف محمد اللافي 2010-06-20, 11:43 pm

STAR كتب:مرحبا بيكم وفكونا من الزعل وما ادراك خلونا حبايب وجو حلو وهدرزة
يا غوالى

كنك امشورخ هههههههههههههههههههههه يا ستار مافي شي ما اديرهش قصه ههههههههههههههههههههههههههه

اشورخ ههههههههههههههههههههههههههههه

من طرف **STAR** 2010-06-20, 11:45 pm

آة يا غالى ضرورى فى ابهرات

من طرف عبدالله خليفه العريفى 2010-06-21, 12:16 am

ايقول الشاعر بوجلاوى:
زين لصل زين اصله انزال ايهفه...الجار والرفيق اختار بالتاصيل
امواير ولد لجواد لك نوصفا..ان كان خالطك تلقى عليه دليل
انحدث صدق وانكان عاهد وفا..ويشيل الصلايب فوق حمل ثقيل
وان فيها برم بسياسته تصفا..انخاضت وحاست حوست البنتيل
****************************
مشكورين خوتى والود موصول وبارك الله فيكم

من طرف دلع ليبيا 2010-06-21, 12:22 am

الله ايسامحك ياخوي عبدالله خليفة العريفي

خيره ردي امال ماعجبك

والا ستار ومحمد غطوا عليا وشبحتش ردي على غناوتك

هذي كبيرة منك راهو ياخوي عبدالله انك اتعقب على رد ستار ومحمد وانا تتجاهلني

مشكور على التجاهل الكبير

من طرف عبدالله خليفه العريفى 2010-06-21, 12:45 am

ماغطوش عليك لكن احياناَ نختار الصمت عندما نجد انفسنا امام الدلع ويكون حينها هو افضل طريقه للتعبير عن الانبهار وثقى اننى وان لم ار الا انك حاضره بردك فى الوجدان ولك ماقال الشاعر ارحيم جبريل..
بومشوط اسود متواسى..به وسولسى ..كابر نين مدوخ راسى
**************************************
with my best wishes

من طرف دلع ليبيا 2010-06-21, 1:00 am

بومشوط اسود متواسى..به وسواسى ..كابر نين مدوخ راسى

ايوة كدا ههههههههههههههههههه

انبصر عليك ياخوي عبدالله ماتاخذها بالجديات

ماني زعلانة ولا شي

ربي يعطيك الصحة

من طرف عبدالله خليفه العريفى 2010-06-21, 1:25 am

تشكري يادلع على هالدلع اللى خلانا نهتموا اكثر واتمنى ان ينال استحسانك كل ماقدمت والبقيه تأتى ولا زلت عضو جديد على منتداكم ولدى الكثير لقوله فد هذا المنتدى

من طرف محمد اللافي 2010-06-21, 1:30 am

زيد عليها يا غالي

أيام الغلا القديم .. ما عاد يا مراهين يقدعن

من طرف عبدالله خليفه العريفى 2010-06-21, 2:22 pm

الله الله لو كان ايردن غير يابووووووووووووووووووييه..عدن وياريت ينتسن
تشكر خوى على المتابعه غناوه رائعه 494103

من طرف محمد اللافي 2010-06-21, 9:20 pm

ريت انقولك يا عبدالله
نـــسكت نــار نشــكي أمـرار .. نبــكي عيــب نكـمي وآعــرة
وتسلم ان شاء الله من النار

غناوه رائعه

غناوه رائعه

رد: غناوه رائعه

رد: غناوه رائعه

للاخ اللافى

رد: غناوه رائعه

رد: غناوه رائعه

star

رد: غناوه رائعه

من اجل التواصل

رد: غناوه رائعه

رد: غناوه رائعه

رد: غناوه رائعه

رد: غناوه رائعه

اخى ستار واخى اللافى

رد: غناوه رائعه

دلع ليبيا

رد: غناوه رائعه

دلع والله دلع

رد: غناوه رائعه

الله الله يالافى

رد: غناوه رائعه