عطيني الرد كان عندك رد

تذكير بمساهمة فاتح الموضوع :

امدورد عليها ياس ****** مطيرة الغلا ما خضرت

1. انموت اوماهانوا لقدم ***الله خالقني غير الهم.
2. اشراء وبيع واخري ملك *** على ابعضى كلى للقدم
3. يوعالها ثقيل النوم ***بكيت العين فى الليل عالقدم
4. اصـغير عقــلك يالجديد*** انكان مكان قديــــــم تريد
5. بـــعد قديـــــــم راد الله ***انعيش عمر ماني عايشه
6. كفــــــارة غلا القديـــم ***ابكا عمر وصيام عالغــــلا
7. قديـــــم دارلك ياعيــــن*** وسواس غبر ديما لاقطك
8. الــــــعقل ماجديد لهــاه*** يبكي بغيض مازال عالقدم
9. في خناقي العين مسكت*** اتقولي قديمــــين وينهم
10. علي قديـــــــم نبي دمع*** انفيك فيك مافيك دبـــري
11. عالدار والقديــــم اونا*** اجـــــــرك كبير ياباكيلنا
12. نردم النــار نين اتغبـا*** يخطر قديــم يسفاها علي
13. قديــم كي نويت جديد*** عيط وراي ممشاي قصره
14. ايجيب مايجيب القسم***واخذ اقـدم مايجيب كيفهم
15. العقل عقلوه عقال ***ينسى قديــــــــم مابا ايديرها
16. نسرق انظري شور قديم ***نلقى انظرة شورى سارقة
17. كذاب من ايقول الجرح *** بعد قديم داويته ابرى
18. العقل وين ما نداعوه *** على غير القديمين توجعه
19. مكبورة الجديد اعلقت *** تقاوت مع نار القدم
20. اتقول عايبات اعياب *** ويشالن على دار القدم
21. تفسيره ابقطع اقسام *** منامى اللى جاب القدم
22. ايموت ركن يولع ركن *** اندثمرو فيك يانار القدم
23. العقل ما عليها زاد *** سهراية القديمين سادا
24. اتقول سايره هالوقت *** تكميظتى على نار القدم
25. العقل مالكه القــديـــم *** مكان للجدد مـا عاد عندنا
26. وينما يجي ع الهدب *** الهدب يا قديمين تخطروا
27. إنتي عليك خوذي نوع *** وتخطيرة قدمينك علي
28. عليك يا قديم أهلبن *** قبالة غباه وين وغبا
29. شكيت للقدم من النار***جروني اواجبوني لها
30. نذاره على النهاي *** ادموع ع القدم ظالماتني
31. ما با يجي للعقل *** سريباً اينسيني اقدم
32. العقل مالكه القديم ***ميراث ماعطى والى اقرع
33. كـــــــذاب من يقول الجرح*** بعد قديــــــــم داويته ابري
34. يالقديم دواهن فيـــــدك *** مـــــــــــــا يبرن غير بتضميدك
35. قديم يا الليل خطاه***واللي تجيبها لي جيبها
36. الوقت والزمان أو هله***تعويض في قديمين ما يجوا
37. خذيت فى قديم ايام***.يربح انكان لغيرى قسم
38. عليكم أندير جديد ***قليل خير نبقى ياأقدم
39. لوكان ياقديم اتعلم ***يصعب عليك ما جاريلنا
40. مازلت يا القديم وراك*** الوقت ما نهاني ع الغلا
41. وراي نلتفت ما زلت ***هيالي اقدم لاحقيني
42. اسهيت با القديم نطقت *** احذا جديد وجعاته بكاء
43. لاقنى القديم فرحت*** هلب على ماتقول حقنى
44. سميت ياالقديم عليك.*** اول ضناى من خوفى تنتسى
45. الله الله لو ما حلم *** مسمح قديم للعين جيته
46. الساهلة أتدير جديد *** والواعرة هي ملاقات القدم
47. اجروح ياقديم غلاك ***اكبار مادواي إيجيبهن
48. مايموت نين انموت ***سطير جرح داروه القدم
49. خليك ياجديد بعيد ***مملوك ممك راني للقدم
50. لانظار فالابكاء خياب *** من قال عالقديمين يسكتن
51. رديت عالغلا القديــــم *** يا عـــــــــــزيز لطيت واجدة
52. غلاك يا عـزيز الدرس *** خيــــــر من جديدات واجدة
53. كاتب عليه قديــــــــــم *** العقل غيـــر وايش اندير له
54. ايقولاً ايجي القديــــــم ***مرات يختــــــلن في ارواحهن
55. عليك يا قديــــــم اقندن *** قبالة غباوين وغبــــــــــــا
56. كمين ياس دون قديم***خذن مكان متومجات لــي
57. بياس كيف ياس الموت *** العين من قديمين ميســـــة
58. امصوقر غلا وانقول *** مكبر وخيذتي فيهم اقدم
59. لو كان نسوته القديم *** ع العين مي صعيبه لمتها
60. بلاك ياقديم اوبيك *** سامر العقل مانوم جايه
61. علينا اقسام افرضن *** نسواهم اقدم مو براينا
62. من قال يالعين قديم *** انهونا ابسيه ساهله
63. للناشد انقو القسم***ابروحى تراخيت عالقدم
64. اتحايل اتريد النوم*** تقفز اتقول يانا يا قدم
65. انجوك كى ايضيق العلم***ننسوك كيف يادار القدم
66. امفيت نسوتى لقديم ***يشرط جديد بلى ايريدها
67. ارضيت ياقديم النقص *** معانا بعد واجد غلا
68. قديم لذعته باثنين***ايجاور ويالاى يرتهن
69. قديم هو رفيق العمر *** يقصر ايطول ما يوم ينتسا
70. ايباتن براي النسوا *** اينوضن ايقولن يا اقدم
71. احصل العقل فيد قديم ***واحصل قديم فيدين غيرنا
72. لو كان كسر لميناه *** دقق قديم فينا كل شيء
73. بعد قديم في لوهام*** نبرم نقول يانه غايبي
74. غنواك قالي مو عذر ***قديم جا متعامي علي
75. مشغول عالقدم ياعقل*** امغير قول ما انقولها الحد
76. عليك درت خوجة عزم *** هفيت ياقديم اربيتا
77. اولا العمر يبقى عمر *** اولا ابدمع خلوك الاقدم
78. خاطي قديم نا والعين *** مالقينا مشاكي ينحكن
79. غلا قديم نطري فيه *** انريد ثلث ماليل ناخذة
80. تبيعة غلا القديم *** مابت امعا العين تنقطع
81. ما القيت درب ايشيل *** منك بعيد يا دار الاقدم
82. الشوق يا العين الغبك*** قدامه وجابك للقدم
83. عشرت اسنين كان قديم .***لوكان عدها ماسيبك
84. قديم خير منك بيش***بعد جفاك ديري دوته
85. مجبور جبر واخذ راى***ويش فيده قديم ايديرها
86. لو كان يالجديد اتعلم ***بصر القديم فينا توجعك
87. ملا جي ملاه قديم *** مااهناك للجدد وين يقعدو
88. العين ماجديد اتريد *** ماتقول واعية مفيت عالقدم .
89. بلاهن اليوم قعدت *** لانوم لاقديمين لاجدد
90. العين ع القديم اتحوس *** جاها جديدمابت تقبله
91. حركت في دميس قديم***لقيت جمر مازل يدقل
92. لويدير مايدير جديد ***مكتوبلا دواء في أيد الاقدم
93. موتي بلوعتك ياعين ***احصل دواك في ايدين الاقدم
94. يستاهل ادعا عالفجر***قديم غير مو هاين علي
95. العقل واخذه القديم *** رهينة ايجي بين مايجي.
96. لوكان فيه باقي دمع ***تهيلي علي وعل القدم
97. اتقول صايره هالوقت ***زعزاعة خطاكم يا اقدم
98. امشاركات فيه العقل ***سيات القديمين والعرب
99. سيات مالقديم امعاي ***اسباب في علايل خاطري
100. صيورك تنعمي ياعين ***تقديعك علي دار القدم
101. لا منام فيه ابرمو ***بلا ارياف ياعين القدم
102. أنتي سبايبة ياعين *** غلاي قديم لولاك مارسم
103. واللي دواة في القديم *** دواة صبر ياطول عازته
104. اثاقلت فى ممشاى ***اقربت قيسنى دار القدم .
105. اجبدن سيرته القديم ***لانظار وين على الدار خطمن .
106. ايام وفيك قديم*** مسمح عليك يادار برمتى


وفالنهاية الجديد يبقي جديد
على جديد بات الراى *** فكونى بلا قولت اقدم.
خلاص ما اتريد قديم *** غلا جديد عينى صوقرت
ياالقديم انريدك طيب***درت جديد احذاي اقريب.

كـــــــذاب من يقول الجرح*** بعد قديــــــــم داويته ابري

القديم ماسيب الا جرح ياجمال المروج وانت سيد العارفين ومع ذلك يبقاء القديم قديم ولكن كاغصه في الخاطر فلماذا سمي بالقديم

1- ان جيتها ايروق العقل @ اعزاز دارهم غالية علي
2- امفيت يالعين الدمع @ لاخطورهم دوا ماالقيتلك
3- حتا ان سيبوك اعزاز @ حلفت ماانهونك ياغلا
4- من خوفي نهار اتصيد @ نبرم عليك ديماياغلا

هههههههه
قيسك ذايق القديم يالقديم
منوره طلتك الحلوة خوي خالد



لو كان كسر لميناه *** دقق قديم فينا كل شيء

الــــــعقل ماجديد لهــاه*** يبكي بغيض مازال عالقدم

القديم هو غلاه اوداه ... واخراى امرار عيني اودمعها

بوعزيزه

:مو مغير يالعين العقل...ملك عزيز روحى كلـــــها


بوعزيزه

:ديريه بلاش ماالشهدير...كمين صوب خاطى لولي

حميد
:عشرين عام ما وفيت...وأدير فى جديدين ع الاقــــــدم

بوعزيزه

:أمغالى ثمان اسنين...لوتسالني فى ادمــــــــــــايتي

حميد

:غلايتا بلا حـــجار...عليك غــــــــــــــــــــندقه فيه الغلا


(حجار) بدون مانع او ياس او مشكلة





بوعزيزه

:غياتك أمغير بلاش...اكملن كلهن غير مطـــــــوحه





حميد

:تخطر عليك يامرهون...وايعافني اللى ما نـــــــــــوزنه

وهنا اخطأ حميد في حق بوعزيزة


بوعزيزه

:مرهون خير منا عقل...مانقال ماأنزابيه بالـــــــخطأ


وهنا بوعزيزة رفض الشتيمة ولن يرد الاساء بمثلها


حميد

:أتعوم فى بحر ياسات...انظرأطول ما اطول فى النـــــــجا


بوعزيزه

:لوكان لي ايام أنعيش...فيد مولاي نلــــــــــقا كل شى


وهنا يلجا بوعزيزة الي الله سبحانه وتعاي في مصيبته

حميد

:ديما اللى أمغلوب.....ايعاود على قـــــــــــــــــــول ياالله

بوعزيزه

:عطيت نا والعين....نركن انتوب لوكـــــــــــاني غنى


بوعزيزه

:ماعاد نسمرك ياليل..نحجر انتوب لوأنطول نالقدم

حميد

:لوكان هظا لون ابكاك...ماعدأتوب لو تطول فالــــــــقدم

بوعزيزه

:أنطول كان راد الله...القسم موش فيدك يااللي

اووووو انقنها امدالف قوي.صحيت خوي

قديمي نا قاطع مصروفه دار جديد عطاه بكتوفه

بوعزيزة : بعد اغياب جيت اصداف ... علي ارياف مرهون ضرني
بوعزيزة : جاني نباك يامرهون ... امعاك صار كيما صارلي
العريبي : تستيهكن نظرها جاب ... العزم يااموهيم ودرت
بوعزيزة : اونا بعيد داير عزم ... برم نصيب جابني للغني
بوعزيزة : ايروق من جديد العقل ... امتا امغير نفضا ياغني
العريبي : ابعزما ايحمل المواهيم ... العقل كل شي امفيت خلوكن
بوعزيزة : اللي شاغله لفكار ... اديار مي بعيد اقريبا
عبدالكريم : علي اوهام عيت قديم ... اعزوم درت غير ماطولن
بوعزيزة : من دون وعي شور اوهام ... نوقض القيت روحي بينهن
شغلان : ماانجيك نين ايجوك ... خذيت عهد يادار الاقدم
عبدالكريم : جنحت ماانريد الدار ... بعد نهار جيتا جيتاء
بوعزيزة : فينا طريق مو عطيين ... جنا طقيق ياعين مالاقدم
شغلان : اياما وهو مليوع ... ينشد قديم ديما منشغل
عبدالكريم : قديم مابلي ايحمل ... مطامن قبالا قالها
بوعزيزة : ايساول ايهاون داي ... لوكان غير مرهون دارها
بوعزيزة : العقل غاب ثاني جاب ... سهريه علينا شومت
العريبي : عزيز يالعين القسم ... هي دونك يرجاء جيبا
بوعزيزة : اومامنلي لاقسام ... رزياته واوماباايقولها
العريبي : طوله القسم مامن عقل ... خطيتا اوهو يوميلها
عبدالكريم : اشبوب قسم يرجا فيه ... قدم بذر مامنلي
العريبي : جيت قديم ماضي فات ... للعقل وين ماجا كداره
بوعزيزة : اللي هالبه من قبل ... خطر قديم تبريما علي
شغلان : انسيتا غلا ماصدقت ... يومي قديم بيش ايسالني
عبدالكريم : لا نسيتم ولامليت ... الها وقت تبكي عالاقدم
العريبي : البعد بالعين ايزيد ... في لوعة الخاطر بالقدم
بوعزيزة : اعزاز سرسبو في الميح ... يملوها قناتي اوتنكفاء

يبرم فى داره يتفقد __ مايحساب قديم اسقد

يوعالها ثقيل النوم ***بكيت العين فى الليل عالقدم

قديم مابلي ايحمل ... مطامن قبالا قالها

ديريه بلاش ماالشهدير...كمين صوب خاطى لولي

خطم جديد فيه اعلقت ......واخذ اوصاف من عيت القدم

العين في ربيع غلاك .... تطلب الله ما يوم تفقدك

حتي بلاك ياهنداب باكيله اقدم باكيلهم

انجاء منام ماهم في .... تقفز اتقوال وين القدم

حرثت ما لبذار جنيت ***قالو الناس مالياس ريتا

( الجاظي )

ايجي انخاف كي ننساه ****** وانخاف كي انراجي ما ايجي

خايف كي ننساه ايجيني وانخاف انراجي يرخيني

حنين الحجازي كتب:ايجي انخاف كي ننساه ****** وانخاف كي انراجي ما ايجي

خايف كي ننساه ايجيني وانخاف انراجي يرخيني

قوية

من طبرق لراس اجدير ضايق ملغالي تقهير
العاشق الصغير

اتقول حالفين غراق،،،جميع مانديرو ينهشم

قديم مابلي ايحمل ... مطامن قبالا قالها


خوي العاشق أيش معنى مطامن

من الاطمئنان
مشتقه من الطمئنينه يعني ماحوش خايف

صحيت وبارك الله فيك .........


خايف كي ننساه ايجيني وانخاف انراجي يرخيني

ضليله وراء مرهون ... العين ما لبكا نين انعمت

الجرح جرح اسمه فيه .... والوآآعر امعنآآت الوجــــــــــــــع

حرثت مابذار جنيت....قالوا الناس ريتا.

الله يقطع اردودكم بالله عليكم اتسموه فيهن غناوي القطافات اللي اتقولوا فيهن.اعتقد لوكان يسمعهن الشريمة ينتحر

حرثت مالبذار جنيت قالوا الناس مالياس ريتا,,,,آسفه علي كتابتها خطا ولم ابين سبب اعادة كتابتها وهي ليس رد وانما مافهمت معناها وهي كيف قالوا الناس مالياس ريتا؟؟؟؟كيف ريتا؟؟؟

اليوم كل يوم اتسير زمان كانت واعر ياخطا *********