قصيدة يانظار ديرن عزم لشاعر مراد البرعصي

يا أنظار ديرن عزم لا اتباكن
ناس واجده طار يلها مطراكن
ليش سماره
وليش ذار فات ودمعكن يجاري
الدنيا قديمة خاينة غدارة
ما وقعت ما من أقري ومساكن

ليش أتسلين
وليش سامرات تنزلن واتشيلن
ليام ما عليهن غيظ وين أيميلن
ديرن شجاعة واطلبن مولاكن

لا تحاجن
أيام مضن في العمر طاحن راحن
وحطن دبشكن ع الوطا وارتاحن
قص الجراير رآه غير أشقاكن

لا تنشطن
وليش سامرات وترفعن وتحطن
ليام كيف الريح غير ايلطن
زعازيعهن قدامكن أو وراكن

يا موصاير
وما من اللي شارق مداره حاير
ليام نزلن حتى الطير الطاير
رآه البكا والدمع غير عماكن

يا مارينا
واللي كلا قسمة ايواطي عينه
وصاحب الدين إن جاه يأخذ دينه
لا تجهلن رآها الموت وراكن

ديرن عبره
وليش سامرات وخانقتكن عبره
حتى لو بكيتن جرحكن ما يبرا
ولا يحس في واحد اللي كواكن

لا تعتبن ع الدنيا
ولا هناك من حدود ا حدود المنيا
وما من فريسة قاعدة منحنية
ولا حس في واحد اللي طغوا كن

يا ماريتن
وياما مشيتين في الزمان أو جيتن
وكم علة قابلكي عليه أرقيتن
لا حد وصفكن لا خرب ممشاكن

ما من اللي بعيونه
أياما وهو صافي أو قاعد عونه
واليوم فارغات أو طايحات اجفونه
ويخمم عليه امعناه كي امعناكن

ما من قصور عوالي
اللي من ما عاد فيهن وإلى
وياما فقدتن من أو جوه غوالي
اللي قبل ف الدنيا أقعود امعاكن

ديرن عزم واسع فاضي
اللي اعتب ع الدنيا يعاود راضى
وانسن طربكن ف الزمان الماضي
لا عاد تلقنا ولا يلقاكن

يا أنظار ديرن عزم لا اتباكن
ناس واجده طار يلها مطركن تحياتي بوجازية

ما من قصور عوالي
اللي من ما عاد فيهن وإلى
وياما فقدتن من أو جوه غوالي
اللي قبل ف الدنيا أقعود امعاكن
مشكوراخى ولدلعبيدات قصيدة رائعة

مشكور على ما قدمت دائماً مميز اخى الكريم

مشكور خوي

تقبل مروري ومشكوررر

شكرا علي ردودكم الرائعة وبي يحفضكم

مشكور على ما قدمت

مشكور اخى الكريم على هذة القصيدة المميزة بس حبيت انى انقولك هذة القصيدة
للشاعر المرحوم جبريل الرعيدى البرعصى وقد قالها فى مطلع القرن الماضى عندما كبر فى السن ولم يكن لة ابناء يسندوة فى حياتة
ولك منى كل الاحترام والتقدير

اسلمت خوي
,,,,بارك الله فيك

عفوآ اخي.... الكلام اعتقد ليس لمراد تمعن في الآسلوب !!!!!
لايشبه اسلوب مراد!!!
ربما ما قالة عاشق الصحراء صحيح
اسف اخي وتقبل مروري بكل روح رياضية

مشكور عالطرح المميز

نعم القصيدة ليست لشاعر مراد البرعصي وان ا هذا ليس اسلوبه ولاكن هيا لشاعر جبريل الرعيدي واسف علي هذا الخطاء وشكرا علي ردودكم الرائعة وربي يحفظكم

هذه القصيده لشاعر جبريل بو مازق الرعيدي وهو شاعر عصره وفي اخر عمره بعد تقدم به العمر اصبح يرداد هذه لابيات اذا اراد ان يقوم من مكانه ويشعر بضعف وهوان قوته فيقول"ذاني عليهن سكاكير "وعيوني عليهن ضبابه "وركبي خاشن الزير وضهري فيه انحدابه "ونا كنت ننضر الطير الي بين فاضي وغابه

شكرا على هذا الطرح الرائع