عن النجع للشاعر الكبير احمد ارميلة الفاخري

دموعي على شان نجع المروة ** شبوبهن تقوَّى ** تْقول هله ما مَوّتوا غير توّا
دموعي على شان نجع الحبايب ** يقجن سكايب ** سماهن بلا مزن منهال عايب
وخْطورهم ونا قبل صبار تايب ** هنا العقل شوَّى ** وطالق بْقى فيه منشاب جوّا
زرى بي ونا اليوم تميت شايب ** أنوض أنْتلَوَّى ** شبابي على راي لَطفال عوَّى

دموعي على شان نجع الجّدود ** جرن ع الخدود ** يْكبّن كما سيل مقلب جْبود
واحفادهم القاعدين فيهم وْحود ** عليهم تحوّى ** فتّانهم اللى خان يادم وحوّا
يْنشّن بلا ريح يوم الخمود ** حديدهن امبَوَّى ** ليقة صفافير فيهن فْروّة

دموعي على شان نجع الحباب ** سْماح الوجاب ** يجرن زناكيل تحت النّقاب
نزالين بو طلح داير عراب ** مْظلّم مْطوَّى ** بْساطه دليه فيه كمين هوة
في جبالها اللي كيف ريش الغراب ** منبوت البقوه ** يْطبق العامين وين يْترَوَّى

دموعي على شان فرقان عدن ** ومعايا امتدّن ** فواهق عْزاز فارقوا وما انسدّن
بلاهم زها العقل بلهون جدن ** يْموج مْكوَّى ** ما جا عليه يد هواي هوَّى
والغاية ان كان ركب ممشاه ردن ** مخاطر وْصوة ** المومن لمولاه يرقى لجوا

دموعي على شان نجع المودة ** جرن ع المخدة ** تباعد وما لقي حاجة ترده
للقاصر ذرا كان واليوم عدى ** مكانه تبولا ** اليوم في المغاغير بين اعلوه
غاشي اللي جار عنده مْبدَّى ** مرعى لهوا ** مرفوع النبا زين من غير دوة

انظاري على شان نجع الخيار ** دْموعهن كْبار ** رْقاق عزم ذارفات ليل ونهار
وزدهن عْطابين خلو الديار ** اللى م البعوا ** يْخاف الصبي ان جاه منشين جوا
على جلتها جيت حايس مدار ** وايام الفتوة ** عَدّن وجا كبر لنظار توه

اخي الفاضل شكرا على هده القصيده الرائعه لشيخ الشعراء أحمد ارميله بارك الله فيك

مشكور خوي فرج على الاختيار الرائع

اخوتى/المارد الاصفر/اسماعيل ادريس/مشكورين على مروركم الرائع

مشكور على ما قدمت دائماً مميز اخى الكريم

مرورك رائع اخى استار

مشكور فرج احميد

العفو اخى محمد صالح

موعي على شان نجع الجّدود ** جرن ع الخدود ** يْكبّن كما سيل مقلب جْبود
واحفادهم القاعدين فيهم وْحود ** عليهم تحوّى ** فتّانهم اللى خان يادم وحوّا
يْنشّن بلا ريح يوم الخمود ** حديدهن امبَوَّى ** ليقة صفافير فيهن فروّة

هذا هو الكلام اللي ايصيد العقل ، شكرا بوحميد ، مشاركاتك الشعريه دائما متميزه

مرورك نور الصفحة اخى ابن الباديه

مرحب خوي فرج احميد شن اخبار عيت ارفاد كلهم والامانه الي دزيت عليهها وصلت

كلهم تمام اخى محمد وانت كيف حالك
وبخصوص الامانة نحن فى الخدمة