اماسكت شايب وعجوز

حكايه بين شايب وعجوزه

قالت
انريد انعدى عندى لمه = وانت شوف الحوش وظمه

قاللها
عدى وانعنك ما اتردى = منك ديما واصل حدى

قالت
يا بوى انعنها فى راسك = نفــّتك وما انريد حساسك

قاللها
دعا ندعى و انعنها فيك = اتموتى وامتى اتريد اتجيك

قالت
جيب زلوف وفيش اتخرف = وان ما عندك نوض اصرف

قال
حيه بلا قلتيــــــــــلى خمسه = واجعنى نصبح ما نمسا

قالت
معاشك كامل فى الدخان = السيزه واركان السيسان

قال
معاشى كله ودرتيه = اديون عليك انوزع فيه

قالت
عنديش امهدل حالتنا = هابا لو تنظر جارتنا

قال
هذكى راجلها مدير = ونا متقاعد وايش اندير

خوذيهن الفلوس خطينى = دون امدادى شيبتينى

قالت
ياشايب عقلك متغير = فى الستين اتقول اصغير


للأمانه .......... منقول ....

مشكور خويا علي الماسك الطيب